Երևանն օգնության է կանչում Պուտինին
Հայաստանի և Ռուսաստանի արտաքին գործերի նախարարները Զոհրաբ Մնացականյանը և Սերգեյ Լավրովը այսօր կայացած հեռախոսազրույցի ընթացքում Մոսկվայի և Երևանի համագործակցությանը վերաբերող հարցեր են քննարկել: Կողմերը քննարկել են հայ-ռուսական դաշնակցային օրակարգին, երկկողմ և բազմակողմ համագործակցությանն առնչվող մի շարք հարցեր։ «Նախարարները քննարկել են հայ-ռուսական համագործակցության հրատապ թեմաները: Հեռախոսազրույցը կայացել է հայկական կողմի նախաձեռնությամբ», - նշված է Ռուսաստանի դիվանագիտական գերատեսչության տարածած հաղորդագրության մեջ: Ինչն ունի քննարկելու հայկական կողմը՝ Մոսկվայի հետ: Ըստ ամենայնի ոչ միայն հայ-ռուսական հարաբերությունները, այլև առավելապես ղարաբաղյան կարգավորման գործընթացում: Հայկական կողմի նախաձեռնությունը վկայում է այն մասին, որ պաշտոնական Երևանը որոշակի ճշգրտումներ է ձգտում անել ղարաբաղյան կարգավորման շուրջ՝ Մոսկվայի դերակատարության վերաբերյալ: Օրեր առաջ, հիշեցնենք, որ Ռուսաստանի արտգործնախարարության պաշտոնական ներկայացուցիչ Մարիա Զախարովան՝ ճեպազրույցում անդրադարձավ՝ ղարաբաղյան կարգավորմանը՝ նշելով. «Ռուսաստանը՝ որպես ԵԱՀԿ Մինսկի խմբի համանախագահ երկիր, բազմիցս ասել է, որ բանակցային ձևաչափի փոփոխությունը հնարավոր է միայն կողմերի համաձայնությամբ։ Եթե Բաքուն և Երևանը պայմանավորվեն, որ Լեռնային Ղարաբաղն էլ պետք է ներգրավվի բանակցային գործընթացում, մենք կողջունենք այդ որոշումը», - ասել է ժամանակ պատասխանելով ադրբեջանցի լրագրողի հարցին: «ԵԱՀԿ Մինսկի խումբը մարտի 9-ին տարածեց հայտարարություն, որտեղ հստակ նշված է Ռուսաստանի, Ֆրանսիայի և Միացյալ Նահանգների դիրքորոշման մասին այս հարցում», - հավելել է Զախարովան: Ինչ էին ասում համանախագահները՝ ձևաչափի փոփոխություն չպետք է լինի, հակամարտությունը պետք է կարգավորվի հայտնի սկզբունքների հիման վրա: Եթե պաշտոնական Երևանը «օգնություն» է ակնկալում Մոսկվայից, ապա, հազիվ թե ստանա: Միջնորդներն այս փուլում բանակցությունների շարունակականությունն են ապահովում՝ հստակ գծել են սահմանները, թե որտեղ պետք է մնան կողմերը: Հիմա, ըստ ամենայնի, պաշտոնական Երևանը, օգնություն է ակնկալում Պուտինից, զգալով, որ ԵԱՀԿ Մինսկի խումբն իր կեցվածքով, այսպես ասած՝ թեքվում է Ադրբեջանի կողմը... Թամար Բագրատունի
Հետևեք մեզ Viber-ում
