Կտրականապես դեմ ենք ռազմական ուժի կիրառմանը. Մինսկ

Ղարաբաղյան հակամարտությունն անհրաժեշտ է կարգավորել բանակցային սեղանի շուրջ, միջազգային իրավունքի սկզբունքների հիման վրա: Բելառուսական պետական ԲԵԼՏԱ գործակալության հաղորդմամբ՝ այս մասին Մինսկում լրագրողներին ասել է Բելառուսի ԱԳՆ ղեկավար Վլադիմիր Մակեյը: «Մեր վերաբերմունքը իրադարձություններին, որոնք տեղի են ունենում Լեռնային Ղարաբաղի շրջանում, միանշանակ է՝ մենք կտրականապես դեմ ենք ռազմական ուժի կիրառմանը: Մենք կողմ ենք, որպեսզի իրավիճակը բանակցային սեղանի շուրջ կարգավորվի, միջազգային իրավունքի համընդհանուր ճանաչված սկզբունքների հիման վրա: Հուսով ենք, որ այդ քննարկումը կբերի նրան, որ հակամարտության դինամիկան և խտությունը կնվազեն»,- ասել է նա: