Ոչինչ չեմ կարող բացառել. Արծրուն Հովհաննիսյանը՝ այսօր սահմանագոտում հայտնաբերված ադրբեջանցու դիվերսանտ լինել-չլինելու մասին
ՀՀ պաշտպանության նախարարի մամուլի քարտուղար Արծրուն Հովհաննիսյանը հայտնել էր, որ այսօր ժամը 01։30 սահմաններում ՀՀ հյուսիսարևելյան սահմանագոտու N զորամասի պահպանության տեղամասում հայ դիրքապահների կողմից հայտնաբերվել, նախազգուշացվել և նախազգուշացմանը չենթարկվելուց հետո վնասազերծվել է ՀՀ պետական սահմանը խախտած անհայտ անձ։ Tert.am-ի հարցին, թե արդյոք հայտնաբերված անձը դիվերսանտ է, Արծրուն Հովհաննիսյանն ասաց.«Ոչինչ չեմ կարող բացառել, ցույց կտա քննությունը, գիտենք, որ քննությամբ էլ զբաղվում է ԱԱԾ-ն»: Հիշեցնենք, որ հայտնաբերվածի ստորին վերջույթի հրազենային վիրավորումից հետո նրան ցուցաբերվել է առաջին բուժօգնություն, հետո տեղափոխվել է բուժհաստատություն։ Նրա կյանքին վտանգ չի սպառնում։ Նրա մոտ հայտնաբերված փաստաթղթերի համաձայն՝ անձը Ադրբեջանի Հանրապետության Ղազախի շրջանի բնակիչ է, 1986թ․ ծնված Էլվին Արիֆ Օղլու Հիբրագիմովը։ ՀՀ ԱԱԾ քննչական դեպարտամենտում հարուցվել է քրեական գործ, ընթանում է նախաքննություն:
Հետևեք մեզ Viber-ում
