Պարսիկները չեն գալու
Իրավունք թերթը գրում է. Ամեն տարի մարտի 15-ից սկսած Հայաստան էին այցելում Իրանի մեծաթիվ զբոսաշրջիկներ նշելու իրենց Նոր տարին: Մեկ շաբաթով Երեւանի կենտրոնը եւ Հայաստանի դիտարժան վայրերը «լցվում» էին պարսիկներով: Սակայն այս տարի իրանցիների հոսքը խիստ կրճատվելու է: Դրա համար կան մի շարք պատճառներ: Նախ Իրանում տնտեսական վիճակի վատթարացումը եւ արտարժույթի գնի բարձրացումը: Սակայն կան խնդիրներ նաեւ Հայաստանի հետ կապված, քանի որ Իրանում շատերը հավատացած են, որ Հայաստանում տեղի ունեցած հեղաշրջումը իրականացրել են ամերիկացիները, որոնք, ինչպես հայտնի է, իրանցիների թիվ մեկ թշնամիներն են Իսրայելի հետ միասին: Բացի այդ, Իրանում չեն մոռացել, որ Նիկոլը արտահայտվել էր Իրաի հետ սահմանի փակման հնարավորության մասին, իսկ հայկական որոշ բանկերում որոշակի խնդիրներ էին ծագել իրանցիների հետ: Իր դերն է խաղում նաեւ այն, որ վերջին շրջանում ջերմացել են Իրանի եւ Ադրբեջանի հարաբերությունները եւ զբոսաշրջիկների հոսքի մի մասը Հայաստանից թեքվել է դեպի Ադրբեջան: Ավելի շատ իրանցի զբոսաշրջիկներ սկսել են գնալ նաեւ Վրաստան, որտեղ անհամեմատ լավ է կազմակերպված զբոսաշրջիկության ենթակառուցվածքը: Իհարկե, Հայաստանի տնտեսության համար առանց այդ էլ սակավ զբոսաշրջիկության ցուցանիշների նվազումը կունենա իր հետեւանքը, իսկ ֆինանսական շուկայում, եթե ամեն տարի մարտի կեսերին նկատվում էր դոլարի գնի նվազում, ապա այս տարի ֆինանսիստները նման տատանումներ չեն կանխատեսում:
Հետևեք մեզ Viber-ում
