Երկու ժամ առաջ եմ վիրավորվել, չէի նկատել, որ վիրավորվել եմ
«Երկու ժամ առաջ եմ վիրավորվել, չէի նկատել, որ վիրավորվել եմ: Ընկերոջս էի բերել, որը ծանր վիրավորված էր, պարզվեց՝ ես էլ եմ վիրավոր աջ ոտնաթաթից: Տանկի սնարյադից եմ վիրավորվել: Վիճակս ծանր չի, էն ա՝ չեն թողում, որ հետ գնամ»,- Արցախի հեռուստաընկերության հետ զրույցում պատմել է Նիկոլայ Եղյանը: Վիրաբույժ Լեւոն Նազարեթյանն էլ նշել է, որ Նիկոն միայնակ հենակետ է պահում, միայնակ էլ հենակետ գրավում: «Նիկոն մեր ազգի հերոսն է, մենակով պոստ ա մտնում, մենակով պոստ ա գրավում: Ձիգ ա, էլ ասելու չի: Բեկորն էլ հանել ենք ու նվիրել նրան, որ հիշատակ մնա»,- ասել է բժիշկը: Նշենք, որ Նիկոլայ Եղյանն իր երկու եղբայրների հետ ծառայում է Զինված ուժերում:
Հետևեք մեզ Viber-ում
