«Տաշիրը» նոր մեգանախագիծ կիրականացնի Մոսկվայում

Ռուսաստանաբնակ հայազգի մեծահարուստ Սամվել Կարապետյանին պատկանող «Տաշիր» ընկերությունների խումբը կկառուցի նոր առեւտրի եւ ժամանցի կենտրոն «Վիխինոյի» տրանսպորտային հանգույցի մոտ։ Այս մասին հայտնում է ռուսական «Վեդոմոստի» պարբերականը, վկայակոչելով Կաննում տեղի ունեցած MIPIM-2019 ցուցահանդեսում տեղի ունեցած ցուցադրության մանրամասները։ Մոսկվայի քաղաքապետարանն էլ հաստատել է, որ հենց «Տաշիրն» էլ կիրականացնի «Վիխինո» տրանսպորտային հանգույցի շինարարությունը։ Նախագծի ընդհանուր մակերեսը 106 հազ քառ մետր է, որից անմիջականորեն առեւտրի եւ ժամանցի կենտրոնի մակերեսը կազմում է 70 հազար քառ մետր, իսկ մնացածը ութհարկանի կայանատեղին է լինելու, մանրամասնում է «Վեդոմոստի» պարբերականը։ hraparak.am