Անդրդվելին. Փաշինյանի ճակատագրական որոշումը
Շաբաթ օրը ԵԱՀԿ Մինսկի խմբի համանախագահների սկանդալային հայտարարությունը մի քանի օր է լարվածության մեջ է պահում հանրությանը: Ի վերջո, ինչ է սպասվում համանախագահների ոչ բարենպաստ հայտարարություններից հետո՝ տարածքների հանձնում, թե նոր պատերազմ, այլ տեղ, քան այս երկընտրանքն է, հայտարարությունը չի տանում: Այսով սեւով սպիտակի վրա կողմերը մերժեցին Ղարաբաղը բանակցությունների կողմ դարձնելու Նիկոլ Փաշինյանի թեզը ու դեռ ավելին: Համանախագահների հայտարարությունը վերադարձրեց բանակցությունները դեպի Կազան, այսինքն՝ 2011 թվական, որը ավելի լավ է, քան Բոլթոնի պլանը, ու ավելի վատը, քան մեկնարկային իրողությունը։ Վերադարձ դեպի Կազանը նշանակում է, որ Ադրբեջանի նախաձեռնած 2016–ի ապրիլի քառօրյան այլևս ի չիք է դառնում, ավելի ճիշտ դա այլեւս Ադչբեջանի համար թեմա չի մնում: Անչափ կնճռոտ այս իրավիճակում թվում էր, թե վարչապետը հենց շաբաթ-կիրակի պետք է ուղեվորվեր Արցախ ու այնտեղ ռազմաքաղաքական էլիտայի հետ քննարկեր հարցը, իրավիճակից ելքերը ու գտնեին մեր դեմ արված հայտարարության համարժեք պատասխանը, բայց վարչապետը վայելեց իր շաբաթ կրակին, ընդ որում երեխաների հետ գիրք կարդալով, միայն երկուշաբթի նա ուղեւորվեց Արցախ, զուգահեռ պաշտոնապես հաղորդեցին, որ Հայաստանի անվտանգությյան խորհրքի նիստն անցկացվելու է Արցախում: Բայց որքան մեծ եղավ զարմանքը եւ վայրէջք կատարած ուղղաթիռից վարչապետից բացի ուղղաթիռից դուրս եկան նաեւ նրա կինն ու երեք դուստրերը: Առաջին պահին շոկն անխուսափելի էր՝ միթե տիկին Աննա Հակոբյանը ամուսնուն պետք է ուղեկցի նաեւ այսպիսի իրավիճակում, երբ շրջագայելու, բրենդային խանութներից շոփինգի տեղ չկա: Սակայն հետո պարզվեց, որ ընտանյոք հանդերձ անվտանգության խորհրդի նիստից մեկ օր առաջ Արցախ մեկնելը հիմնավոր պատճառ ունի; Նիկոլ Փաշինյանի Արցախում ծառայող որդու՝ Աշոտի տարեդարձն է, ընտանիքը գնացել է նրա շնորհավորելու: Ու պետական ուղղաթիռը տեղափոխել է ոչ թե անվտանգության խորհրդի անդամներին, այլ վարչապետի ընտանիքին: Ընդունելով հանդերձ, որ մեր սիրելի վարչապետը կարող է երկու իրադարձութուններին էլ հավուր պատշաճի անցկացնել, երկուշաբթի տոնել որդու ծնունդը, իսկ այսօր հրավիրել վճռորոշ նիստը, ընդունենք, որ անվտանգության խորհրդի անդամները ուղղաթիռով չեն մեկնել Ղարաբաղ ու պետության վրա հավելյալ բեռ են դրել ոչ թե այն պատճառով, որ պետական ուղղաթիռը օգտագործվել է վարչապետի ընտանեկան հարցերի համար եւ իրենց տեղ չի եղել, այլ որովհետեւ իրենց գրաֆիկը չի համապատասխանել այն ժամի, երբ վարչապետն է մեկնել, այդուհանդերձ վարչապետի տիկնոջ եւ ընտանիքի ներկայությունը պետական ու աշխատանքային հանդիպումներին այլեւս իրողություն է, որ հանրությունը միարժեք չի ընդունում: Ասել է թե, սա նշանակում է, որ կամ վարչապետը, կամ ավելի ճիշտ իր տիկինը պետք է հաշվի նստեն հանրության հետ ու այսուհետ ավելի զուսպ փոխհարաբերություններ որդեգրեն՝ թեկուզ միմյանց կարոտելով, կամ էլ թքած ունենալով հանրային կարծիքի վրա շարունակել նույն տեմպով: Միայն թե երկրորդ ճանապարհն ընտրելուց առաջ հիշեք, որ նախկին իշխանությունն էլ էր բռնել այդ ուղին, իսկ վերջնարդյունքում Սերժ Սարգսյանը սկսել էր չտիրապետել իրավիճակին, իսկ արդյունքը եղավ այն, ինչ բոլորիս է հայտնի: Անի Սահակյան
Հետևեք մեզ Viber-ում
