Վարչապետը պետք է բանակցի, պետք է անի հնարավորն ու անհնարը բնականոն հունի բերելու գործընթացը. Կարեն Բեքարյան
Կարևոր ու ճիշտ նպատակը՝ փնթի և վտանգավոր փաթեթավորմամբ: Անհարկի ու անհասկանալի շտապողականության հերթական դրսևորումը Փաշինյանի Ստեփանակերտում ունեցած ելույթում. ինչի՞ համար... Այս մասին ֆեյսբուքյան իր էջում գրել է քաղաքական, հասարակական գործիչ Կարեն Բեքարյանը՝ մի քանի հարցադրումներ կատարելով: «- Հայաստանի և Արցախի անվտանգության խորհուրդների համատեղ նիստ. իրավիճակի թելադրա՞նք, ձեռնոց նետված Ադրբեջանի՞ն, թե՞՝ ձեռնոց նետված ԵԱՀԿ ՄԽ համանախագահությանը: - Ամիսներ ի վեր լեգիտիմությունը դրոշ դարձնելն ո՞ւմ ականջի համար. ուժային կենտրոնների՞, թե՞ Ադրբեջանի: Լա՞ վ եք մտածել: Իրո՞ ք կարծում եք ընկալվում է: - Համոզվածություն Ադրբեջանի ժողովրդի խաղաղասեր լինելու մեջ՝ բխող Ադրբեջանի իշխանության լեգիտիմությունի՞ց: - Արցախի ոչ լիարժեք մասնակցությունից բանակցություններում անցում լիարժեքի՞, թե՞ վտանգ՝ գլորվելու Ադրբեջանի երազանք “միջհամայնքային ձևաչափ”: - Բանակցությունների շարունակությո՞ւն, բանակցային փակուղի՞, կարգավորման սկզբունքների և տարրերի պարզաբանման կարի՞ք՝ բոլո՞ր տարրերի… թե՞ ընդամենը երկչոտ փորձեր՝ դեմք պահելու … Հետգրություն Այս հարցերին զուգահեռ արձանագրենք. Փաշինյանն իր ելույթում առանց որևէ երկիմաստության հայտարարեց, որ ՀՀ-ն եղել է, կա և կմնա Արցախի անվտանգության թիվ մեկ երաշխավորը և կշարունակի իր ներգրավվածությունը խաղաղության գործընթացում: Վարչապետը պետք է բանակցի, պետք է անի հնարավորն ու անհնարը բնականոն հունի բերելու գործընթացը... Եվ կոչ-խնդրանք մեր քաղաքական ու հասարակական գործիչներին, վերլուծաբաններին, լրատվադաշտի գործընկերներին՝ Ղարաբաղյան հիմնախնդիրն ու կարգավորման գործընթացը պետք է զերծ լինեն ցանկացած շահարկումից, հարկի թե անհարկի... անգամ անկախ նրանից, որ խոսքը կարող է վերաբերվել այս կարմիր գիծը ժամանակին բազմիցս տրորած անձանց...»,- գրառման մեջ նշում է Բեքարյանը:
Հետևեք մեզ Viber-ում
