Գնդակը այլևս համանախագահողների և Ալիևի դաշտում է
Դեռևս քաղաքական գործիչները և փորձագետները լուրջ վերլուծության կենթարկեն Հայաստանի Վարչապետի և Արցախի Հանրապետության Նախագահի ելույթները երկու պետությունների անվտանգության խորհուրդների համատեղ նիստում, ինչպես նաև նրանում ընդունված որոշումները: Սակայն այսօր արդեն կարելի է կատարել որոշ ընդհանրացումներ:
Վարչապետի խոսքը կարելի որակել որպես բանակցային գործընթացում հայկական կողմերի գործունեության քաղաքական ուղեցույց և նպատակը համանախագահողներին պատասխանելը չէր:
Մեծ հաշվով, ըստ իս, կարելի է արձանագրել.
1. Հայաստանի Վարչապետը բանակցային գործընթացում նախաձեռնությունը վերցնում է իր ձեռքը: Գնդակը այլևս համանախագահողների և Ալիևի դաշտում է:
2. Հայաստանի Վարչապետը բանակցային գործընթացը վերադարձնում է քաղաքական քննարկումների դաշտ՝ տեղ չթողնելով ռազմատենչ հռետորաբանության և պատերազմական սցենարի իրականացման համար:
3. Ըստ էության Վարչապետը բանակցային օրակարգից բացառեց տարածքների հետ կապված քննարկումները՝ զրկելով Ադրբեջանին պատերազմով խնդիրը լուծելու իրավունքը ՛՛լեգալացնելու՛՛ որևէ հնարավորությունից:
Անշուշտ սրանք ընդամենը առաջին տպավորություններն են և վերլուծություններով հավելյալ հիմնավորումների կարիք են զգում:
Խոսրով Հարությունյանի գրառումը
Հետևեք մեզ Viber-ում
