14 միլիոն դոլար կաշառք Արամ Հարությունյանին.Սիլվա Համբարձումյանը մանրչամասներ է պատմում

Դատավոր Դավիթ Գրիգորյանի նախագահությամբ, Երևանի ընդհանուր իրավասության դատարանում ընթանում է առանձնապես խոշոր չափերով կաշառք ստանալու մեջ մեղադրվող բնապահպանության նախկին նախարար Արամ Հարությունյանի գործը վերաբացելու դեմ նրա պաշտպանների ներկայացրած բողոքը։   Դատական նիստին ներկա է նաև գործարար Սիլվա Համբարձումյանը։ Հանքերի շահագործման լիցենզիա ստանալու համար 2008 թվականին 14 միլիոն դոլար կաշառք եմ  տվել բնապահպանության նախկին նախարար, ԱԺ նախկին պատգամավոր Արամ Հարությունյանին և դրա մասին արդեն 3 տարի է բարձրաձայնում եմ,նիստից առաջ լրագրողներին ասաց   Սիլվա Համբարձումյանը: «8 մլն դոլարն արդեն հստակեցված է, քանի որ դա փոխանցում էր, իսկ մնացած 6 մլն-ը, որ տրվել է կանխիկ Սուրեն Ավագյանի միջոցով, դեռևս ոչ, բայց վերջինս էլ, ինչպես և Արամ Հարությունյանը, գտնվում է հետախուզման մեջ: Սուրեն Ավագյանն Արամ Հարությունյանի համակուրսեցին էր և նրա նազիր-վեզիրն էր»,- ասաց նա: Համբարձումյանը պնդեց, որ Քոչարյանն իրեն դատի չի տվել, և ինքը որևէ ծանուցում չի ստացել: «Ես երբեք հակասական ցուցումներ չեմ տվել»,- ասաց նա: Իսկ թե նոր անուն չի՞ բացահայտվելու, Համբարձումյանն ասաց՝ ոչ, ինչ եղել, եղել է: Հարցին, թե Վարդան Օսկանյանը ևս ինչ-որ կաշառք ստանալու հետ կապ ունի, Սիլվա Համբարձումյանը նշեց, որ նման հարց չի եղել, և ինքը Օսկանյանին կաշառք չի տվել: «Ես և Օսկանյանն առերեսվել ենք վաղուց, և խնդիրն այն էր, թե ինչ ճանապարհով են արաբները եկել Հայաստան, նրա նկատմամբ կաշառքի գործ չի եղել»: