Մինսկի խմբի հայտարարությունն ահազանգ է. ԲՀԿ-ն Արցախի հարցում հստակ դիրքորոշում ունի. Իվետա Տոնոյան (video)
ԱԺ ճեպազրույցների ժամանակ ,ԲՀԿ խմբակցության պատգամավոր Իվետա Տոնոյանը՝ անդրադառնալով ԵԱՀԿ ՄԽ համանախագահների հայտարարությանը,հայտարարեց.«Լեռնային Ղարաբաղի հակամարտության խաղաղ կարգավորումը, այսինքն՝ վերջնական հանգուցալուծումը Արցախի միջազգային ճանաչումն է: ԵԱՀԿ Մինսկի խմբի համանախագահների զեկույցի մեջ շատ մտահոգիչ կետեր կան, մասնավորապես՝ այն մասին, որ Վիեննայի և Սանկտ Պետերբուրգի պայմանավորվածությունները երկրորդ պլան են մղվում:Եվ միայն այն հանգամանքը, որ Ադրբեջանի կողմից շատ մեծ ոգևորությամբ է ընդունվել այս հայտարարությունը, արդեն իսկ շատ բանի մասին է խոսում»: Ըստ նրա՝ հաշվի առելով Ադրբեջանի ռազմաշունչ հայտարարութունները, ուժի դիրքերից հանդես գալու բազմաթիվ հայտարարությունները, կոնկրետ այս դեպքում հայտարարության մեջ նշված զիջումների և մյուս հանգամանքներն անընդունելի են, որովհետև գիտենք, որ Ադրբեջանը հանդես է գալիս հետևողականորեն ուժի կիրառման դիրքերից, որը միանշանակորեն մեզ համար ընդունելի չէ: «Որևէ հարց Արցախի ճակատագրի հետ կապված չի կարող որոշվել առանց Արցախի ու Արցախի ժողովրդի մասնակցության»,- ասաց Տոնոյանը:
Հետևեք մեզ Viber-ում
