YouTube-ից եկամուտ ստացողները նույնպես կհարկվեն
ԱԺ տնտեսական հարցերի մշտական հանձնաժողովի նիստից հետո ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը լրագրողների հետ զրույցում անդրադարձել է YouTube-ի հայաֆիկացման հարցին` նշելով, որ նախաձեռնողականությունը միշտ ողջունվել է: «Մեր բլոգերները, ովքեր հիմնական շահառուն են «Յութուբ»-ի հայաֆիկացման մասով, կարևոր է, որ վեր հանեցին խնդիրը: Հոլովակներ էին ստեղծել, գրագետ մատուցել, թե խնդիրն ինչումն է: Աշխատանքային խումբ կստեղծենք և կսկսենք պետական մեխանիզմներն այնպես աշխատեցնել, որ հնարավորություն ստեղծենք բլոգերների, տնտեսվարողների համար՝ օգտվելու ինֆորմացիոն այդ հնարավորությունից»: Հարցին՝ հնարավո՞ր է հարկային դաշտ մտնեն նրանք, ովքեր գումար են ստանում այդ գործունեության արդյունքում, ասաց. «Կարծում եմ՝ այո: Ցանկացած տնտեսվարող սուբյեկտին է դա վերաբերում»։