Բոգոյի ընկերը՝ հյուրանոցի վերածված աշխատասենյակների մասին
«Կենտրոնական» ավտոկայանում ոստիկանության 6-րդ վարչության աշխատակիցները «Բոգո» անունով հայտնի Ռուբեն Կոստանյանի տարածքներում զննում են իրականացնում և ազատում են նրան պատկանող տարածքները: Նախկինում հրապարակումներ են եղել, որ «Բոգո» մականունով հայտնի Ռուբեն Կոստանյանը աշխատասենյակներ է ունեցել «Կենտրոնական» ավտոկայանում: Ավտոկայանի ղեկավարությունը հայտնում է, որ որևէ պայմանագիր չի եղել Ռուբեն Կոստանյանի հետ: Ըստ ավտոկայանի ներքին վերահսկողության և ուղևորափոխադրումների բաժնի պետ Արտաշես Ջիլավյանի՝ երեք փակ աշխատասենյակները ծառայել են որպես հյուրանոց՝ առանց պայմանագրի, որը պատկանում է Բոգո մականունով քրեական հեղինակություն Ռուբեն Կոստանյանին: Կոստանյանի ընկերը՝ Արմեն Ավետիսյանը լրագրողների հետ զրույցում ասել է. «Երկու սենյակներում էլ՝ հյուրանոցներում, պատահական մարդ չի կարա գա, համար վարձի, քնի, վեր կենա: Դա Վրաստանի գծում աշխատող վարորդների համար ա: Ինքը կոպիտ ասած, էս թաղի տղա ա եղել: Ինչպես յուրաքանչյուր ՀՀ քաղաքացի, կարող էր 90-ականներին փոխադրման գործունեություն ձեռնարկել, էս մարդն էլ կամաց-կամաց՝ օգտվելով հին ավտոկայարանի հնարավորություններից, աշխատեցրել է, պետությանը հարկ է տվել, մարդիկ է ունեցել»:
Հետևեք մեզ Viber-ում
