Բյուրակն կրթահամալիրը դիմում է բոլորին

Հարգելի հայրենակիցներ, հաշվի առնելով հայ-ադրբեջանական շփման գծում իրադրության կտրուկ սրացումը և դրա հետ կապված մի շարք հանգամանքներ, մի շարք մտահոգ քաղաքացիրներով, ապրիլի 4-ին և 5-ին, երեկոյան 16:00-ից 20:00, Մաշտոցի պուրակում, կազմակերպում ենք առաջին անհրաժեշտության իրերի և սննդի հավաքագրում և տեղափոխում Արցախյան ճակատ: Կարծում ենք սա ոչ միայն մի փոքր կթեթևացնի առաջնագծի կարիքները այլև կապ կստեղծի թիկունքի և առաջնագիծի միջև, որը շատ կարևոր է հաղթանակների ամրագրման համար: Մենք համոզված ենք, որ մեր բանակի ղեկավարությունը պատշաճ կերպով հոգում է զինծառայողների կարիքները, սական հաշվի առնելով այն հանգամանքը, որ այս օրերին առաջնագիծ են մեկնել նաև կամավորական ջոկատներ և հնարավոր է նրանք ունենան մատակարարման որոշ խնդիրներ, որոշեցինք հավելյալ աջակցություն հավաքագրել և ուղարկել առաջնագիծ: Մենք կապ ենք հաստատել Արցախյան զորամիավորումների հետ և որոշակիորեն ճշտել անհրաժեշտ իրերի ցանկը: --------------------------------------------- Հաշվի առնելով շատերի օբյեկտիվ մտահոգությունները, որոշում է կայացվել հավաքագրվող իրերի ցանկից հանել բնական հյութերը և սնունդը, բացի քաղցրավենիքից: Սնունդը կփոխանցվի միայն կոնկրետ արտադրողներից (ֆիրմաներից): ՀԱՇՎԵՏՎՈՒԹՅՈՒՆԸ ՆԵՐԿԱՅԱՑՎԵԼՈՒ Է ԸՍՏ ՊԱՏՇԱՃԻ: Անհրաժեշտ պարագաների ցանկը՝ 1.քնապարկ 2.ծածկոցներ 3.տաք հագուստ, գլխարկ 4.նասկի 5.ներքնաշոր 6.սրբիչ 7.անջրանցիկ վերարկու 8.հիգիենայի պարագաներ, օճառ 9.ծխախոտ,լուցկի, կրակայրիչ 10.քաղցրավենիք՝ չոր թխվածքաբլիթ, չիր,չամիչ, խուրմա, վաֆլի, կոնֆետ, սնիկերս, մարս 11.սուրճ,թեյ 12.լապտեր,մարտկոց 13.չոր սպիրտ 14.արագ պատրաստվող մակարոններ: Սահմանից տեղեկատվություն կա, որ առավել անհրաժեշտ դեղորայքները սրանք են 1 ստերիլ բինտ և բամբակ 2 ստերիլ և ոչ ստերիլ ձեռնոց 7,8,9 համարի 3 Սանտավիկ 4 դեկսալգին (սրսկում) 5 նաշադիրի սպիրտ 6 կատվախոտի կաթիլներ (վալերանկան) 7 լեվոմիկոլ մազ Ուժեղ ցավազրկողներ են հարկավոր -------------------------------------------------- Այս ամենը առաջնագիծ հասցնելու համար նախաձեռնությանը պետք կլինի նաև տրանսպորտային միջոց, որի վարձակալման համար ցանկացողները կարող են նաև գումար տրամադրել: Եթե կան մարդիկ, ովքեր կարող են նաև իրենց տրանսպորտային միջոցը տրամադրել, նրանք ևս կարող են արձագանքել: Անհրաժեշտ վառելիքի համար ևս գումար կհավաքագրվի: Բոլորին հրավիրում ենք մասնակցելու: Մենք ուժեղ ենք միասին