ՀՀ վարչապետի տիկին Աննա Հակոբյանը «Հանրային» հեռուստաընկերության եթերում անդրադարձավ իր ղեկավարած հիմնադրամների գործունեությանն ու շրջանառվող լուրերին:
Աննա Հակոբյանն ասաց, որ «Ժպիտների քաղաք» հիմնադրամի գործունեության վերաբերյալ ասուլիսի ժամանակ իրեն հարցրել են, թե Ինեսսա Գաբայանը գումար փոխանցել է հիմնադրամին, թե ոչ. «Ես տեղյակ չէի, նույնիսկ չգիտեի պաշտոնը, հիմա ճշտել եմ, որ նա փոխանցել է պարգևավճարը և դրանից 1 ամիս անց ազատվել է աշխատանքից»:
Դիտարկմանը, թե դա հարկային ինդուլգենցիա չէ՞, ինչպես նախկինում էր, որ գումար փոխանցեն, ու իրենց լավ նայեն, Աննա Հակոբյանն ասաց. «Բացարձակապես այդպես չէ: Հին իներցիան պարտադիր փորձում են պրոյեկտել, բայց այդպես չէ»:
Ինչ վերաբերում է խոշոր հարկատուների հետ հանդիպմանը, ապա Աննա Հակոբյանն ասաց, որ հանդիպում ունեցել է նրանց հետ. «Այդ հանդիպմանը հրավիրել ենք 38 ընկերության ներկայացուցչի, մասնակցել են 29-ը: 11-ը համաձայնել են մեր առաջարկին, 3-ը մերժել են, ասել են՝ հետաքրքրված չենք, 15-ը դեռ չեն պատասխանել: Ես առաջարկում էի իրենց, որ ՀՀ-ում ստեղծվի դասական ակադեմիական երաժշտության բարեկամների խումբ, և իրենք լինեն այդ խմբում, դա տարեկան որոշակի ֆինանսավորում էր ենթադրում, և դա քննարկում էր, իսկ իրենց անունները կլիներ, օրինակ՝ Ֆիլհարմոնիայի պատին, իսկ դա աշխարհում ընդունված երևույթ է»:
Աննա Հակոբյանն ասաց, որ մյուս աղմուկը ծխախոտի վաճառքի հետ կապված հարցն է, ըստ հրապարակումների՝ յուրաքանչյուր ծխախոտի տուփի վաճառքից 1 դրամ փոխանցվելու է հիմնադրամին, և որ հանդիպում է եղել ծխախոտի վաճառքով կամ արտադրությամբ զբաղվողների հետ:
«Այո, եղել է նման հանդիպում, և կրկին ես այստեղ գալուց առաջ «Ժպիտների քաղաք» հիմնադրամի գործադիր տնօրենից ճշտել եմ, որ ունեցել ենք երեք ընկերություն, որը մասնակցել է այդ հանդիպմանը, մեկը հրաժարվել է մեր առաջարկությունից, երկրորդի պատասխանին դեռ սպասում ենք, երրորդը որոշել է սիմվոլիկ գումար հատկացնել քաղցկեղով հիվանդ երեխաների բուժման համար»,-ասաց Աննա Հակոբյանը:
Նա նշեց, որ իրենք շարունակելու են լայն սպառում ունեցող ապրանքներ արտադրողների ու վաճառողների հետ բանակցել՝ քաղցկեղով հիվանդ երեխաների բուժման համար գումար ստանալու նպատակով:
Հոկտեմբերի 8-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Հոկտեմբերի 8-ին՝ ժամը 16։00-ին, Հայելի ակումբի հյուրն է ազատամարտիկ Սերյան Չիլինգարյանը
Հոկտեմբերի 8-ին՝ ժամը 14։00-ին, Հայելի ակումբի հյուրն է կառավարման փորձագետ Ռոլանդ Մարտիրոսյանը
Հոկտեմբերի 8-ին՝ ժամը 14։00-ին, Հայելի ակումբի հյուրն է քաղաքագետ Արթուր Մարտիրոսյանը
Հոկտեմբերի 7-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 7-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Հոկտեմբերի 7-ին՝ ժամը 12։00-ին, Հայելի ակումբի հյուրն է Արման Աբովյանը
Հոկտեմբերի 7-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Հոկտեմբերի 7-ին՝ ժամը 10։30-ին, Հայելի ակումբի հյուրն է Նարե Սոսեն
Հոկտեմբերի 6-ին՝ ժամը 15։30-ին, Հայելի ակումբի հյուրն է Գառնիկ Դանիելյանը
Հետևեք մեզ Viber-ում
