Փաստորեն Սորոսը ֆինանսավորում է բրիտանական կառավարությա՞նը.Գ.Կոստանյան

Վերջին շրջանում շատ է  խոսվում այն մասին,որ ներկայիս իշխանություններն ու հեղափոխականներից շատերը ,նրանց գործողությունները ֆինանսավորվում են  Ջորջ Սորոսի և նրա «Բաց հասարակության հիմնադրամների» կողմից: Բազմաթիվ են հրապարակումները,թե կոնկրետ ինչ ֆոնդերի է ֆինանսավորում Սորոսի Բաց հասարակության հիմնադրամը: Երեկ,«Բաց հասարակության հիմնադրամներ-Հայաստանի» (Սորոս) գործադիր տնօրեն Լարիսա Մինասյանը,մամուլի ասուլիսով հանդես եկավ, անդրադառնալով այն հարցին, թե ներկա կառավարությունում եւ ԱԺ-ում շատ կան այսպես կոչված Սորոսական գործիչներ եւ հիմնականում հիմնադրամի սկզբունքներն են փորձում ներկայացնել՝ պետական շահի փոխարեն:Արա Բաբլոյան, Կարեն Բեքարյան, Հայկ Բաբուխանյան, Գեւորգ Կոստանյան այս մարդիկ Սորոսականներ են՝ ձեր սահմանումով,ասաց Լարիսա Մինասյանը: Նախկին գլխավոր դատախազ Գևորգ Կոստանյանը ,մեզ հետ զրույցում ծիծաղելի և անհեթեթ որակեց վերջին հայտարարությունը ,ասելով,որ նման բան ասողները երևի   նկատի ունեն այն,որ ես 2006-ին մեկնել եմ Մեծ Բրիտանիա սովորելու՝Բրիտանական խորհրդի/British Council/ ծրագրով,որը ֆինանասավորվում է  բրիտանական կառավարության կողմից: Եթե ոմանց թվում է,որ Սորոսը ֆինանսավորում է Մեծ Բրիտանիայի կառավարությանը,ապա դա թողնում եմ իրենց դատողությանը:Նման հրապարակումները,էլի եմ կրկնում,  իրականությունից հեռու են եւ որեւէ կապ չունեն իրականության հետ :