Պատրաստվում են փոխել հաշմանդամության գնահատման համակարգը
ԱԺ-Կառավարություն հարցուպատասխանի ժամանակ «Իմ քայլը» խմբակցության անդամ Նարեկ Մկրտչյանն անդրադարձավ զինվորական պարտականությունը կատարելիս հիվանդություն, խեղում ստացած զինծառայողների խնդրին: Նա նշեց, որ վերջիններիս հաշմանդամության կարգ տրամադրելիս սուբյեկտիվություն կա: Մկրտչյանը հետաքրքրվեց՝ կարո՞ղ են վստահ լինել, որ այդ արատավոր պրակտիկան չի շարունակվի: ՀՀ աշխատանքի և սոցիալական հարցերի նախարար Զարուհի Բաթոյանը հայտնեց, որ գործող ընթացակարգերով դեռ 2018թ. վերջին անկախ հանձնաժողով է ստեղծվել նախարարության կազմում, որը երրորդ օղակն է բժշկասոցիալական հանձնաժողովի որոշումները հսկելու, քննելու: Նա հայտնեց, որ քաղաքացիները կարող են դիմել նաև այս օղակին, սակայն կարող է լինել, եթե դիմումը գրելուց երեք ամսվա ընթացքում որոշում է կայացվել, ավելի վաղ տարիների համար այս պահին գործող օրենսդրությամբ չի իրականացվում: ՀՀ աշխատանքի և սոցիալական հարցերի նախարար Զարուհի Բաթոյանն էլ արձագանքեց, որ այաստանի Հանրապետության աշխատանքի և սոցիալական հարցերի նախարարության առաջնահերթ խնդիրներից մեկը հաշմանդամության գնահատման համակարգի նոր մոդելի ներդրումն է: «Մոդելը մշակված է ու այս տարի արդեն ձեռնարկում ենք քայլեր, որպեսզի ունենանք նաև օրենսդրական հիմքեր ու այն ներդնենք: Նոր մոդելը ենթադրելու է մարդու կարիքի վրա հիմնված նոր ծառայությունների մատուցում, և ոչ միայն քննելու է մարդու առողջական վիճակը, այլ նաև վերականգման հնարավորությունները և դրան ուղղված ծառայությունները»,- ասաց Բաթոյանը:
Հետևեք մեզ Viber-ում
