Սոլովյովը՝ Ռուբեն Հախվերդյանի հայտարարության մասին

Ռուս լրագրող, հեռուստահաղորդավար և ռադիոհաղորդավար Վլադիմիր Սոլովյովը «Полный контакт» ռադիոհաղորդման ընթացքում քննարկել է Հայաստանում վերջին օրերին տեղի ունեցած իրադարձությունները, հաղորդում է Rusarminfo-ն: Սոլովյովը քննադատել է երաժիշտ Ռուբեն Հախվերդյանի այն հայտարարությունը, որ ղարաբաղցիներն «ապրել են ադրբեջանական մթնոլորտում»: «Նրանք խոսում են մարդկանց մասին, ովքեր մահը վեր են դասել ստրկությունից, ովքեր փորձությունների, կրակոցների միջով են անցել, երբ առաջին անգամ «Գրադ»-ով ոչնչացրեցին Ստեփանակերտ խաղաղ քաղաքը: Սով, սարսափելի տառապանքներ... ինչպե՞ս կարելի է դա մոռանալ: Ինչպե՞ս կարելի է այդ մարդկանց դավաճանել: Այն մարդականց, ովքեր այդ պատերազմի հրամանատարներն էին: Ո՞ր հայն է դավաճանում իր պատմությունը»,- ասել է Սոլովյովը: Նա նաև անդրադարձել է իր կողմից արված հայտարարությանն այն մասին, որ իր ընկեր՝ խոշոր գործարար Սեյրան Կարապետյանին ղարաբաղցի լինելու պատճառով Հայաստանում թույլ չեն տալիս բիզնեսով զբաղվել՝ նշելով, որ դրանից հետո ՀՀ վարչապետի աշխատակազմն արձագանքել է հայտարարությանը, և այժմ զբաղվում են գործարարի ներդրումների իրականացմամբ: Հաղորդավարը նաև նշել է, որ ցանկանում է ազատ ժամանակ գտնել և այցելել Հայաստան, հանդիպել ՀՀ կառավարության հետ և հասկանալ՝ ինչ է կատարվում երկրի հետ: