Մարտի 4-ին, ժամը 00:45-ին, բուժհաստատությունից ոստիկանության Քանաքեռ-Զեյթունի բաժին ահազանգ ստացվեց, որ Միքայելյան հիվանդանոցի դիմացի սեփական տներից մեկում մահացած մարդ կա:
Ոստիկանության օպերատիվ խումբը մեկնեց նշված վայր:
Բակում հայտնաբերվեց տանտիրոջ՝ 50-ամյա Արմեն Փարսադանյանի արնաշաղախ դիակը: Տեղում պարզվեց կատարվածի մանրամասները:
Ըստ նախնական տվյալների, կենցաղային հարցերի շուրջ վիճաբանություն էր եղել երկու հարևանների միջև: Վիճաբանությունը վերածվել էր քաշքշուկի, և 42-ամյա Արմեն
Մուրադյանը 3 կրակոց էր արձակել ու սպանել հարևանին:
Ձեռնարկվեց օպերատիվ-հետախուզական և որոնողական ծավալուն միջոցառումներ, ինչի ընթացքում տեղեկություններ ստացվեցին, որ Արմեն Մուրադյանը թաքնվում է Վանաձորում՝ իր բարեկամներից մեկի տանը:
Օպերատիվ խմբերից մեկը մեկնեց Վանաձոր, զուգահեռ ձեռնարկվեց նաև բացատրական աշխատանք:
Նույն օրը՝ երեկոյան, Արմեն Մուրադյանը ներկայացավ ոստիկանության Քանաքեռ-Զեյթունի բաժին և խոստովանեց, որ ինքն է սպանել հարևանին:
Նա ոստիկաններին ներկայացրեց նաև հանցագործության գործիքը՝ դատարկ պահունակով, գործարանային համարով «Մակարով» ատրճանակը:
Ըստ Մուրադյանի՝ պահունակի մեջ 3 փամփուշտ է եղել, որոնք բոլորն էլ կրակվել են:
Նշանակվել են փորձաքննություններ:
Արմեն Մուրադյանը ձերբակալված/կալանավորված է:
Հարուցված քրեական գործի քննությունը շարունակվում է:
Մարտի 24-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Մարտի 24-ին՝ ժամը 12։30-ին, Հայելի ակումբի հյուրն է Անաստաս Իսրայելյանը
Մարտի 24-ին՝ ժամը 11։30-ին, Հայելի ակումբի հյուրն է Արմինե Ադիբեկյանը
Մարտի 24-ին՝ ժամը 10։30-ին, Հայելի ակումբի հյուրն է Նարե Սոսեն
Մարտի 23-ին՝ ժամը 11։00-ին, Հայելի ակումբի հյուրն է Արամ Գասպարի Սարգսյանը
Մարտի 23-ին՝ ժամը 12։30-ին, Հայելի ակումբի հյուրն է Հայկ Նահապետյանը
Մարտի 23-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Մարտի 23-ին՝ ժամը 15։00-ին, Հայելի ակումբի հյուրն է Վոլոդյա Հովհաննիսյանը
Մարտի 20-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Մարտի 20-ին՝ ժամը 13։00-ին, Հայելի ակումբի հյուրն է Հայկ Այվազյանը
Հետևեք մեզ Viber-ում
