Ինչու ԱԺ նիստի օրակարգը հագեցած չէ. պարզաբանում է Արարատ Միրզոյան

Զանգվածային լրատվական միջոցներում անդրադարձ եղավ այն թեմային, որ մեր նստաշրջանի օրակարգը շատ հագեցած չէ, սա օբյեկտիվ պատճառներ ունի. այս մասին ԱԺ նիստի մեկնարկին խորհրդարանի նախագահ Արարատ Միրզոյանը: «Նախկինում ԱԺ ընտրությունները տեղի էին ունենում մայիսին, և նախքան այս փուլին հասնելն ԱԺ-ն ունենում էր երկու-երեք ամիս ժամանակ, այդ ընթացքում բավականին հարցեր էին կուտակվում, և օրակարգ էր հասունանում: Այս դեպքում մենք աշխատանքները սկսել ենք ընտրություններից մեկ ամիս հետո, և, բնականաբար, մեծ ընթացք չի եղել: Եվ երկրորդ, բավականաչափ օրենքի նախագծեր կան, որոնք քննարկման շրջանառության տարբեր փուլերում են, և ես վստահեցնում եմ, որ շուտով կունենանք հագեցած օրակարգ»,- ասաց ԱԺ նախագահը: