Հայկ Մարությանը կոնկրետ շահեր ունի այս շենքի հետ կապված. բողոքի ակցիա. տեսանյութ
«Վանդալիզմ» գրությամբ պաստառներով Երևանում բողոքի ակցիա անցկացվեց Երևանի քաղաքապետ Հայկ Մարությանի և գլխավոր ճարտարապետ Արթուր Մեսչյանի դեմ, որոնց՝ փետրվարի 8-ի թույլտվությամբ Խորենացի 13-ում տեղակայված նախկին Լուսավորության նախարարության շենքի պահպանված մասը քանդվում է: Հասարակական գործիչ, ակցիայի նախաձեռնող Նարեկ Սամսոնյանը լրագրողների հետ զրույցում ասաց, որ եթե ապագայում Արթուր Մեսչյանն ասի, որ իրեն ստիպել են քանդել շենքը, դա չի ընդունվելու: Նրա խոսքով՝ Հայկ Մարությանը կոնկրետ շահեր ունի այս շենքի հետ կապված. «Թե կոնկրետ ինչ ու ում է ձեռնտու, պետք է ճշտել: Միգուցե կողքի հյուրանոցին, միգուցե Հայկ Մարությանի մոտիկ ընկերներից մեկին, միգուցե կաշառք են տվել: Այլապես իրենց պարզաբանումը լուրջ հիմնավորում չունի»:
Հետևեք մեզ Viber-ում
