Հեռավոր ադրբեջանական գավառ . Սա Արցախն է Հախվերդյանի խոսքերով
Հեռավոր ադրբեջանական գավառ Սա Արցախն է Հախվերդյանի խոսքերով։ Ես որ 2 օր առաջ ասացի սա տաղանդավոր դեգեներատ է, մի շարք օգտատերեր վրա տվեցին, թե բա մեր Հախերդյանը, էս ինչ ես ասում, ինքդ մի երգ գրիր նոր խոսիր։ Ինձ համար տաղանդը երբեք իմաստության, կամ այսպես ասած մտավորականության նշան չի եղել։ Հա, ինքը պոետ է։ Լավ, շատ լավ պոետ։ Բայց դա չի խանգարում իրեն լինել դեգեներատ։ Այս բառն ի թիվս այլ նշանակությունների տալիս է սահմանում մի մարդու, ում հոգևոր արժեքները շեղված են։ Ինձ համար ցանկացած մարդ, ով արցախցիներին համարում է ադրբեջանցի, կամ ոչ հայ, Արցախն էլ անվանում է ադրբեջանական գավառ՝ դեգեներատ է, եթե չօգտագործեմ ոչ նորմատիվ լեքսիկոն։ Այստեղ չկա որևէ հակասություն։ Ի տարբերություն օրերս աղմուկ բարձրացրած վիդեոյի մյուս հերոսի՝ մեկ այլ դեգեներատ Համլետ Ղուշչյանի, Հախվերդյանը իսկապես տաղանդաշտ է։ Դա չի կարող վիճարկել և ոչ մի բանական մարդ։ Ուստի եկեք մեկը մյուսի հետ չխառնենք ու մեկը մյուսով չփոխարինենք։ Հ.Գ. Ի տարբերություն օրինակ կինոռեժիսորի, ում դու փաստացի չես տեսնում ու ֆիլմը դիտելիս հաճախ այն քեզ մոտ չի ասոցացվում նրա հետ, երգարվեստը ըստ իս սերտ կապակցված է երգողի անձի հետ։ Դու իր պրիզմայով ես ընկալում, իրեն ես վերագրում բառերը, որոնք կարող են քեզ շատ հարազատ դառնալ։ Սա է պատճառը, որ ես Հախվերդյանին չեմ կարող լսել, անկախ նրանից, որ խոսքերն իր որոշ երգերի համարում եմ հանճարեղ։ Հավանաբար հենց դա է պատճառը, որ սիրածս ստեղծագործությունը՝ Խոսքերը, ես արդեն շուտվանից լսում եմ Միքայել Պողոսյանի կատարմամբ։ Այսպես այդ երգն ու ասելիքը կորցնում եմ կապը դեգեներատության հետ ու կարողանում եմ հանգիստ վայելել։ Հենց հիմա մեկ անգամ էլ կլսեմ։
Հետևեք մեզ Viber-ում
