Ինչպես Չերչիլը հրաժարվեց Հայաստանի վարչապետ դառնալ

Ռուսական «Независимая газета» պարբերականը «Պատմության, աշխարհագրության և գրականության պատմություններ նախկին աշակերտների համար» խորագրով նյութ է հրապարակել, որում տեղ է գտել նաև հայկական կոնյակի և կուբայական սիգարների հանդեպ Մեծ Բրիտանիայի վարչապետ Ուինսթոն Չերչիլի սիրո պատմությունը: Գրում է Rusarminfo.ru-ն: «Մի անգամ Չերչիլին հարցնում են. «Սըր, կցանկանայիք արդյո՞ք Հայաստանի վարչապետ դառնալ»: «Ոչ», - պատասխանել է նա: «Ինչու՞», - զարմանում են: «Քանի որ ես կուբայական սիգարներ եմ սիրում»: Մեկ ուրիշ անգամ նրան հարցնում են. «Սըր, հավանաբար կցանկանայի՞ք Կուբայի վարչապետ դառնալ»: «Ոչ», - պատասխանում է նա: «Ինչու՞», - զարմանում են: «Որովհետև ես հայկական կոնյակ եմ սիրում», - պատմել է հոդվածի հեղինակ Իգոր Խարիչևը: Վերջում հեղինակը հետաքրքրվում է. «Ի՞նչ կլիներ, եթե Հայաստանում հայկական կոնյակից բացի կուբայական սիգարներ արտադրեին: Կամ Կուբայում կուբայական սիգարներից բացի հայկական կոնյակ արտադրվեր»: Ավելի վաղ ռուսական «Экспресс газета» պարբերականը հոդված էր հրապարակել հայկական կոնյակի լավագույն տեսակների ստեղծող Մարգար Սեդրակյանի մասին, որին նույնիսկ չիմանալով այդ մասին Սիբիր արտաքսելուց փրկել էր Մեծ Բրիտանիայի վարչապետ Ուինսթոն Չերչիլը: Ankakh.com