«Ծառուկյանը մաքուր ա, բյուրեղ ա, ձեր շանտաժները չեն կարա Ծառուկյանի վրա ազդեն». Գագիկ Ծառուկյան

Մարտի 1-ի զոհերի հիշատակին Մյասնիկյանի արձանին հարող տարածքում ծաղիկներ դնելուց հետո լրագրողների հետ զրույցում  «Բարգավաճ Հայաստան» կուսակցության ղեկավար Գագիկ Ծառուկյանն ասաց.«Մարտի 1-ը ցավ է բոլորիս համար, որ նման դժբախտություն պատահեց, դա ցավ է ամբողջ հայ ժողովրդի համար»:   «Եթե հարմար լինի, կմասնակցեմ»,- ԲՀԿ առաջնորդը դեռ չի որոշել՝ մասնակցելո՞ւ է երեկոյան վարչապետ Նիկոլ Փաշինյանի նախաձեռնությամբ Ազատության հրապարակից անցկացվելիք երթին: Լրագրողի հարցը՝ Մարտի 1-ի գործի շրջանակում վկայի կարգավիճակով շատ հայտնի դեմքեր են հարցաքննվել, իրեն հարցաքննե՞լ են, Գագիկ Ծառուկյանին զայրացրեց. «Անհարմար չես զգո՞ւմ, ինչքան կարելի է բացատրել, որ դրա հետ Ծառուկյանը կապ չի ունեցել: Ինչի՞ համար ինձ հարցաքննեն: Ծառուկյանը մաքուր ա, բյուրեղ ա, ձեր շանտաժները չի կարա Ծառուկյանի վրա»: