Քաղաքապետարանի մոլորեցնող ձեռագիրը

«Հրապարակ» թերթը գրում է. « Նախ, Բուզանդի 1/3 շենքում տեղակայված լրատվականներին ծանուցագրեր ուղարկվեցին Երեւանի քաղաքապետարանից՝ առաջարկելով «համայնքային սեփականություն հանդիսացող գույքի արդյունավետ կառավարման նպատակով» ազատել Երեւանի ավագանու որոշմամբ մեզ տրամադրված տարածքները։ Գրություններ ստացան «Հրապարակը», «Անդին» ամսագիրը, «Հայելի» ակումբը, «Ա1+»-ը, «Նյութ» ակումբը։ Ապա հայտարարեցին, որ լրատվամիջոցներին վտարելու մտադրություն չունեն։ Իսկ երեկ քաղաքապետարանը մի անհասկանալի եւ լղոզված հաղորդագրություն տարածեց, թե «Բուզանդի 1/3 հասցեում վարձակալությամբ կամ անհատույց հիմունքներով տրված տարածքների ուսումնասիրության արդյունքում ի հայտ են եկել առերեւույթ իրավախախտումներ: Տվյալները փոխանցվել են Ոստիկանության 6-րդ վարչություն»։ Մեր տեղեկություններով, խոսքը ենթավարձակալությամբ հանձնված տարածքների մասին է, թեեւ քաղաքապետարանն այս անորոշ տեքստով փորձել է կասկած գցել, թե դա վերաբերում է շենքում տեղակայված ԶԼՄ-ներին»: Մանրամադն` թերթի այսօրվա համարում