Խաչիկ Ասրյան. ՆԱՏՕ-ին հեռացնե՛լ Հայաստանից և ՀԱՊԿ-ում ամրապնդե՛լ Հայաստանի դիրքը. սա՛ է առաջնահերթությունը

• 28.02.2019թ.

  Նախորդ 27 տարիների ընթացքում՝ հատկապես վերջին

  ժամանակահատվածում, Երկիր մոլորակի տարբեր անկյուններում

  տեղի են ունենում աշխարհաքաղաքական ազգակործան

  գործողություններ՝ հիմնականում նորահայտ, մարդկությանը

  ստրկացնել և կործանել փորձող Ամերիկա կոչվող տարածքի

  ղեկավարների անմիջական հրահրմամբ:

  Երկու տասնամյակ է, ինչ նշում եմ, որ հայկական

  բարձրավանդակում բնակվող հայերիս ու Հայաստանի համար

  արտաքին ռազմաքաղաքական և տնտեսական սերտ

  համագործակցության ճշմարիտ ու միակ ուղին հայ և ռուս քրիստոնյա

  ժողովուրդների, ասել է թե՝ Հայաստանի և Ռուսաստանի ազնիվ ու

  հավատարիմ բարեկամությունն ու համագործակցությունն են։

  Արտաքին քաղաքականություն վարելիս` Հայաստանի

  Հանրապետությունը միշտ պետք է նմանվի սակրավորի. սակրավորը

  ականազերծման ժամանակ իրավունք չունի սխալվելու. նրա մեկ

  սխալը ճակատագրական կդառնա իր կյանքի և իր ընտանիքի

  անդամների համար` որբացնելով նրանց: Հայաստանի

  Հանրապետության բարձրագույն իշխանությունն իրավունք չունի

  կրկնելու նախկին իշխանությունների արտաքին «և՛-և՛»-ի

  հայակործան քաղաքականությունը՝ մեկ ոտքով արևմուտք, մեկ ոտքով

  Ռուսաստան, այլապես, միանշանակ, կարժանանա ականազերծման

  ժամանակ կյանքը կորցրած սակրավորի ճակատագրին:

  Հայաստանի Հանրապետությունն իր արտաքին

  քաղաքականությունը պետք է բացառապես կառուցի քրիստոնյա

  եղբայր ռուս ժողովրդի, ասել է թե՝ Ռուսաստանի Դաշնության հետ

  միասին: Մենք անհնարինը պետք է դարձնենք հնարավոր՝

  բացառապես նպաստելով ոչ միայն հայ-ռուս ժողովուրդների

  բարեկամության անընդհատ ամրապնդմանը, այլ նաև՝ Հայաստանի և

  Ռուսաստանի ռազմաքաղաքական և տնտեսական

  համագործակցության կատարելիությանը:

  Ավելին` Հայաստանի Հանրապետության ռազմաքաղաքական և

  տնտեսական արտաքին գործունեությունը միայն ու միայն պետք է

  լինի Հավաքական Անվտանգության Պետությունների

  Կազմակերպության (ՀԱՊԿ) և Եվրասիական Տնտեսական Միության

  (ԵԱՏՄ) հետ:

  Սույն թվականի մարտի 11-ից 18-ը մայրաքաղաք Երևանում

  անցկացվելու է «ՆԱՏՕ-ի շաբաթ» ռազմաքաղաքական միջոցառումը:

  Ի՞նչ է իրենից ներկայացնում ՆԱՏՕ-ն: Իմ խորին համոզմամբ՝

  ՆԱՏՕ կոչվող հյուսիսատլանտյան ռազմաքաղաքական դաշինքը,

  արդարության և խաղաղության կեղծ պաշտպանների անվան տակ,

  իսկ իրականում, լինելով Երկիր մոլորակում բնակվող ինքնուրույն

  ազգերի համար որպես կործանիչ դիկտատոր, 24-ժամյա ռեժիմով և

  անընդհատ, Երկիր մոլորակում հրահրում և կազմակերպում է նոր

  պատերազմներ՝ իր արյունոտ ցուցակի մեջ գտնվող հերթական

  1

  ազգերին գայթակղելով, ենթարկեցնելով, այնուհետև ոչնչացնելով:

  «Հայոց Արծիվներ. Միասնական Հայաստան» կուսակցությունն

  ամբողջությամբ մերժում է Հայաստանի Հանրապետությունում ՆԱՏՕ-ի

  գործունեությունը և կոչ անում ՆԱՏՕ-ին՝ անհապաղ հեռանալ

  Հայաստանից:

  «Հայոց Արծիվներ. Միասնական Հայաստան» կուսակցությունը

  կոչ է անում Հայաստանի Հանրապետության կառավարությանը՝

  չեղյալ հայտարարել սույն թվականի մարտի 11-ից 18-ը Երևանում

  անցկացվելիք «ՆԱՏՕ-ի շաբաթ» ռազմաքաղաքական միջոցառումը:

  Ավելին`«ՀայոցԱրծիվներ.ՄիասնականՀայաստան»

  կուսակցությունը պահանջում է Հայաստանի Հանրապետության

  բարձրագույն իշխանությունից` ՆԱՏՕ-ին հեռացնե՛լ Հայաստանից և

  ՀԱՊԿ-ում ամրապնդե՛լ Հայաստանի դիրքը. սա՛ է

  առաջնահերթությունը:

  «Հայոց Արծիվներ. Միասնական Հայաստան»

  կուսակցության նախագահ՝

  Խաչիկ Մայիսի Ասրյան

  Խաչիկ Ասրյանի

  ֆեյսբուքյան էջից

  Խաչիկ Ասրյան/Хачик Асрян/Khachik Asryan