«Հիմարություն է պնդելը, թե բարձր աշխատավարձով դատավորները կաշառակերությամբ չեն զբաղվի». Ե. Աբգարյան

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Ես կտրականապես դեմ եմ դատաիրավական համակարգերում աշխատավարձերի հետագա բարձրացմանը: Ինչ է դրանք վերին արտի ծաղիկներ են, որ իրենց սոցիալական պահանջմունքները բավարարվեն պետության կողմից, իսկ ժողովրդի մեծամասնությունը թերասնումից հիվանդություններով տառապի: Իսկ ինչո՞ւ այդ համակարգի աշխատողները ժողովրդի ներկայիս դժվարությունները գոնե որոշ չափով չզգան իրեց կաշվի վրա: Բացահայտ հիմարություն է պնդելը, թե բարձր աշխատավարձով դատավորներն ու մյուսներն այլևս կաշառակեորությամբ չեն զբաղվի: Եթե քո տված աշխատավարձը նույնիսկ 1 մլն դրամ դառնա, իսկ դատավորը միայն մի գործով կարող է 10000 կամ ավելի դոլար կաշառք վերցնել, ապա կաշառակեր դատավորն, առանց դույզն ինչ երկմտելու, դոլարներն էլ կվերցնի: Կաշառակերության հնարավորինս սահմանափակման համար օրենսդրության մեջ ծանրագույն պատիժներ և դրանց զուգահեռ հսկայական ֆինանսական տուգանքներ պիտի սահմանել: Այսօր մեր երկրի առաջադիմությունը պահանջում է քրեական պատիժների դաժանացում: Այդպես են զարգացած երկրներ դարձած ԱՄՆ-ը և Ավստրալիան կարողացել Եվրոպայից աքսորված ու արտաքսված գողերից ու ավազակներից կազմավորել օրինապաշտ հասարակություններ, այդպես արեցին նաև Սինգապուրում»: