Լավ լուր ուսուցիչների համար
ՀՀ կրթության և գիտության նախարարությունը նախատեսում է այս տարվա սեպտեմբեր ամսից բարձրացնել դպրոցների ուսուցիչների աշխատավարձերը: Այս մասին ԱԺ-ում լրագրողների հետ ճեպազրույցում հայտնեց նախարար Արայիկ Հարությունյանը: Դիտարկմանը` դպրոցներում՝ ուսուցիչների շրջանում, դժգոհություններ կան, նրանք պատրաստվում են բողոքի ակցիաներ անել՝ կապված աշխատավարձի չափի հետ: «Նման քննարկումներ կան: Թե´ վարչապետը, թե´ ես բազմիցս հայտարարել ենք, որ հարցը մեր օրակարգում է, առաջնային խնդիրներից է: Այդ հարցով քննարկումներ են եղել: Ամբողջական պատկերացում ունենալուց հետո կխոսենք աշխատավարձերի բարձրացման վերաբերյալ: Նախնական պետք է ասեմ, որ մեր ծրագրերում կա սեպտեմբերից աշխատավարձերը բարձրացնելու հարցը: Այս պահին թիվ չեմ ասի: Եթե սեպտեմբերից անենք, մեծ ճնշում չի լինի բյուջեի վրա, հաջորդ տարվա բյուջեի վրա կլինի»,- ասաց նա:
Հետևեք մեզ Viber-ում
