Այսօր՝ փետրվարի 27-ին, խոշոր ավտովթար է տեղի ունեցել Արարատի մարզում։ Ժամը 10։25-ի սահմաններում Երևան քաղաքի Արաբկիր վարչական շրջանի բնակիչ՝ 29-ամյա Հայկ Մամիջանյանը Երևան-Երասխ ավտոճանապարհի 25-րդ կմ հատվածում, դեպի Երասխ ընթանալիս իր բարած Nissan Teana մակնիշի 36 AM 576 համարանիշի ավտոմեքենայով բախվել է երկաթե արգելապատնեշներին։ Ինչպես դեպքի վայրից հայտնում է ֆոտոլրագրող Գագիկ Շամշյանը, բարեբախտաբար, զոհեր և վիրավորներ չկան։ Դեպք վայր են ժամանել ճանապարհային ոստիկանության 1-ին սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Վահան Էվինյանի, դասակի հրամանատար Կարապետ Հարությունյանի գլխավորությամբ։ Ֆոտոլրագրողը հայտնում է, որ մինչ դեպքի վայր կժամանեին ՃՈ ծառայողները, Արարատի մարզի Ոստան գյուղի բնակիչ՝ 39-ամյա Գևորգ Աբրահամյանը իր վարած BMW 320 մակնիշի 35 MV 159 համարանիշի ավտոմեքենայով դեպի Երասխ ընթանալաս դուրս է եկել ճանապարհի երթևկելի գոտուց ու բախվել Nissan-ին։ Բախման հետևանքով BMW-ն ու Nissan-ը հայտնվել են դաշտում, և ավտոմեքենաներն ամբողջովին վերածվել են մետաղե ջարդոնի։ Վթարի հետևանքով BMW-ի վարորդը բժշկական հետազոտման նպատակով դեպքի վայրում հավաքվածների ասելով՝ վաշտի հրամանատար Վ. Էվինյանի ուղեկցությամբ տեղափոխվել է Արտաշատի բժշկական կենտրոն, որտեղից հայտնել են, որ նրա կյանքին և առողջությանը վտանգ չի սպառնում։ 2 վթարների փաստով ՃՈ 2-րդ սպայական գումարտակի 1-ին վաշտի ավագ հետաքննիչ Արմեն Պողոսյանի կողմից նյութեր են նախապատրաստվում։ Օպերատիվորեն ժամանել են նաև ապահովագրական ընկերությունների ներկայացուցիչները։ Դեպքերի մասին ՃՈ 1-77 օպերատիվ կառավարման կենտրոն պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանության Արտաշատի բաժին, որտեղից ժամանել է օպերատիվ խումբը՝ բաժնի պետ Ռուբեն Ներսիսյանի գլխավորությամբ։ Ֆոտոլրագրողը հայտնում է նաև, որ BMW-ի՝ Nissan-ին բախվելու հետևանքով ավտոմեքենաներից մեկն էլ հարվածել է ճանապարհին տեղադրված բետոնե էլեկտրասյանը և այն տապալել։ Օպերատիվորն ժամանել են նաև տեղի ճանշինի ծառայողներն ու «Հայաստանի էլեկտրոցանցեր» ընկերության ներկայացուցիչները։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի
Հոկտեմբերի 8-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Հոկտեմբերի 8-ին՝ ժամը 16։00-ին, Հայելի ակումբի հյուրն է ազատամարտիկ Սերյան Չիլինգարյանը
Հոկտեմբերի 8-ին՝ ժամը 14։00-ին, Հայելի ակումբի հյուրն է կառավարման փորձագետ Ռոլանդ Մարտիրոսյանը
Հոկտեմբերի 8-ին՝ ժամը 14։00-ին, Հայելի ակումբի հյուրն է քաղաքագետ Արթուր Մարտիրոսյանը
Հոկտեմբերի 7-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 7-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Հոկտեմբերի 7-ին՝ ժամը 12։00-ին, Հայելի ակումբի հյուրն է Արման Աբովյանը
Հոկտեմբերի 7-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Հոկտեմբերի 7-ին՝ ժամը 10։30-ին, Հայելի ակումբի հյուրն է Նարե Սոսեն
Հոկտեմբերի 6-ին՝ ժամը 15։30-ին, Հայելի ակումբի հյուրն է Գառնիկ Դանիելյանը
Հետևեք մեզ Viber-ում
