Ով է իրականում ձերբակալվել. «Ես իմ համար գիշերը տանը քնած եմ եղել»

Ես ազգային անվտանգության ծառայությունից ծանուցում չեմ ստացել, չեմ ձերբակալվել, տարածված լուրերն ապատեղեկատվություն են։ Այս մասին այսօր՝ փետրվարի 26-ին, ԵՊՀ-ի դիմաց լրագրողների հետ զրույցում ասաց Պետական վերահսկողական ծառայության սոցիալական ոլորտի վերահսկողության վարչության պետ Դավիթ Ադյանը՝ անդրադառնալով ՊՎԾ 4 աշխատակիցների ձերբակալման լուրին: «Ես իմ համար գիշերը տանը քնած եմ եղել, զգացել եմ, որ շատ են ինձ զանգահարում և ես վերցրել եմ, բոլորին ասել եմ, որ տանը քնած եմ և վաղը աշխատանքի եմ գնալու»,–նշեց Ադյանը։ Ինչ վերաբերում է իր եղբոր՝ Սամվել Ադյանի ձերբակալությանը, նա նշեց, որ ՊՎԾ–ն հայտարարությամբ հանդես կգա, թե ինչ կարգավիճակում է նա։