«Իջեւանում ասողը Սիփանն է». Փաշինյանների դինաստիան ուժեղանում է

10:41 - 26/փետրվարի/2019

politik.am-ը գրում է.Իջեւանում փետրվարի 17-ին կայացան համայնքի ավագանու հերթական ընտրությունները: Նախընտրական պայքարը հետաքրքիր էր նրանով, որ շատ իջեւանցիների հավաստիացմամբ, այդ թվում՝ թեկնածուների պնդումների, չափից ավելի ակտիվ մասնակցություն է ունեցել ԱԺ պատգամավոր Սիփան Փաշինյանը՝ Նիկոլ Փաշինյանի եղբոր որդին:

Իջեւանի ավագանու 15 տեղի համար գրանցված է եղել ընդամենը 33 թեկնածու:

Իջեւանում շրջանառվող լուրերի համաձայն՝ թեկնածուների թիվը քիչ է, քանի որ Սիփան Փաշինյանի հետ ջերմ եւ մտերմիկ զրույցներից հետո շատերը պարզապես հրաժարվել են առաջադրվելուց:

Սիփան Փաշինյանը իջևանցիներին հասկացրել է, որ «ինքն է ասողը», և նրանք, ովքեր չունեն իր հավանությունը, պետք է մեծ հավակնություններ չունենան:

Իջանցիները հասկանում են, որ Սիփան Փաշինյանի ցանկություններին շատ չեն կարող դեմ գնալ, քանի որ վարչապետ հորեղբայրը նրա «մեջքին կանգնած» է ու դրանով անհամեմատ մեծացնում է իր զարմիկի ազդեցությունը։ Իհարկե, Սիփան Փաշինյանը իր հրապարակային խոսքում հայտարարում է, որ իրեն վարչապետ է դարձրել ոչ թե իր հորեղբայրը, այլ 17 500 քաղաքացի, որ ձայն են տվել իրեն։ Այս դեպքում արդար կլինի Սիփան Փաշինյանին հարցնել, թե ու՞ր էին 2017 թվականի ընտրություններին այդ ընտրողները։ Ինչու՞ նա մինչ իր հերեղբոր վարչապետ դառնալը չէր կարողանում նման հաջողություններ արձանագրել։