Ինչու պետք է մեկը բանտախցում լինի, մյուսը՝ դղյակում

  «Ժողովրդավարական Հայրենիք» կուսակցությունը ողջունում է Նիկոլ Փաշինյանի դրսևորած քաղաքական կամքը՝ ամբողջական բացահայտելու և պատասխանատվության ենթարկելու մարտի 1-ի ոճրագործներին: «Մենք դատապարտում ենք Մարտի 1-ի հիմնական գաղափարախոսի՝ Ռոբերտ Քոչարյանի ազգադավ կեցվածքը, որը իր կաշին փրկելու համար շարունակում է սեպ խրել հայ ժողովրդի մեջ։ «Ժողովրդավարական Հայրենիք» կուսակցությունը կոչ է անում ժողովրդին ակտիվ մասնակցել Մարտի 1-ի երթին և պահանջել առանց բացառության բոլոր հանցագործներին ենթարկել պատասխանատվության»։ Կուսակցության նախագահ Պետրոս Մակեյանը մեզ հետ զրույցում հակադարձում է այն տեսակետին, թե առաջիկա հանրահավաքը Նիկոլ Փաշինյանը օգտագործելու է քաղաքական նպատակներով եւ ապահովելով հուժկու հանրահավաք, նա հանրությանը ուշադրությունը որոշակի ժամանակով շեղելու է իրական խնդիրներից.<<Կարծում եմ այդ տեսակետը շահարկում է, ընտրությունից անցել է երկու ամիս եւ 70 տոկոս քվե ստացած քաղաքական ուժի վարչապետի վարկանիշն այնքան անկում չի ապրել, որպեսզի նա ապավինի այս ճանապարհին: Հավանաբար անկում եղել է, բայց այն աստիճանի չէ, որ խնդիրներ ունենա>>, կարծում է Մակեյանը: Միեւնույն ժամանակ Մակեյանը չի պատրաստվում լռել եւ իր ընկեր Նիկոլի իշխանության դեմ չպայքարել, եթե այն պարապուրդի մատնվի: Ավելին, Մակեյանը  այսօր արդեն մտահոգություն  է հայտնում ՀՔԾ-ի, դատախազության և մնացած իրավապահ համակարգի կողմից իրականացվող հնից շարունակվող իներցիոն գործելաոճը հենց Մարտի 1-ի  գործի հետ կապված.<<Անհասկանալի է մարտի 1-ի հիմնական դերակատարներ՝ Սերժ Սարգսյանի, Աղվան Հովսեփյանի, Հայկ Հարությունյանի և մնացած դահիճների գործում չներկայացվելու իրողությունից։ Մենք դատապարտում ենք Մարտի 1-ի հիմնական գաղափարախոսի՝ Ռոբերտ Քոչարյանի ազգադավ կեցվածքը, որը իր կաշին փրկելու համար շարունակում է սեպ խրել հայ ժողովրդի մեջ։ Եւ պահանջում ենք նաեւ մյուս դերակատարներին պատասխանատվության ենթարկել>>: Մեր դիտարկմանը, որ Քոչարյանի պաշտպանները պնդում են, որ Քոչարյանին վերագրված մեղադրանքը ջուր է, Մակեյանը արձագանքեց.<<Անլուրջ է Քոչարյանի պաշտպանների հիմնավորումները, փող են ստանում, պիտի պաշտպանեն;Այն , ինչի մեջ մեղադրում են Քոչարյանին, շատ ավելի մեղմ են, ամբողջ ժողովուրդը գիտի նրա մեղքերի մասին, մի քանի տասնյակ սպանություններ է ծանրացած նրա խղճին, տասնյակ ցուցարարների են ճնշել: Նույնը կարող ենք ասել Սերժ Սարգսյանի համար: Դրա համար ինձ համար խիստ անհասականլի է՝ ինչու պետք է մեկը խցում լինի, մյուսը՝ դղյակում>>:  Մակեյանն ուզում է օր առաջ Փաշինյանից ստանալ այդ հարցի պատասխանը, եթե ոչ, ապա իրենք կդիմեն գործուն քայլերի, չի բացառվում նաեւ բողոքի ակցիաներ իրականացնեն.<<Մենք ցանկացած ձեւ կգտնենք: Այնպես չի, որ իմ ընկեր Նիկոլ Փաշինյանը իշխանության է, ես անարդարության դեմ պիտի աչքերս փակեմ>>: Իսկ առաջին նախագահ Լեւոն Տեր-Պետրոսյանին նույն գործով պատասխանատվության ենթարկելու կոչերին Մակեյանը համաձայն չէ.<<Չի կարելի նրան եւ մյուսներին դնել հավասար հարթության մեջ: Լեւոն Տեր-Պետրոսյանը կրակելու հրաման տալու իրավունք չուներ, այդ ամենը ժողովրդի աչքի առաջ է եղել>; Անի Սահակյան