Բռունցքներով ու ոտքերով, լինգով ու դանակով հարվածներ է հասցրել. «խրախճանքին» միացել է նաև ընկերուհին

Փետրվարի 22-ին, ժամը 21.40-ին, ոստիկանության Քանաքեռ-Զեյթունի բաժնում մի քաղաքացուց ահազանգ է ստացվել, որ Հասրաթյան փողոցում գտնվող մանկապարտեզի մոտ կռիվ է։ Նույն օրը, ժամը 23.35-ին, հիվանդանոցից հաղորդում է ստացվել, որ կտրած-պատռված եւ այլ վերքերով բուժօգնության է ընդունվել մանկապարտեզի 50-ամյա պահակը: Ըստ տուժածի՝ իրեն ծեծել էին։ Ոստիկանությունից հայտնում են, որ շտապ դեպքի վայր են մեկնել ոստիկանության Քանաքեռ-Զեյթունի բաժնի եւ ՊՊԾ գնդի 6-րդ վաշտի ծառայողները։ Բաժնի քրեական հետախույզների ստացած օպերատիվ տեղեկությունների հիման վրա էլ, կեսգիշերն անց, ժամը 00.05-ին, Կարապետ Ուլնեցու 3-րդ փակուղու 6 շենքի մոտից, կասկածանքով բերման են ենթարկել 33-ամյա Էդուարդ Հ․-ին։ Պարզվել է, որ ժ.21.00-ին, Հասրաթյան 1 հասցեի մոտ ծագած վիճաբանության ժամանակ, Էդուարդ Հ․-ն բռունցքներով ու ոտքերով, լինգով ու դանակով հարվածներ է հասցրել հիվանդանոց տեղափոխված քաղաքացու մարմնին, իսկ նրա ընկերուհին ձեռքերով հարվածել է տուժածի դեմքին։ Ժամը 01.10-ին տուժողից հաղորդում է ընդունվել: Ժամը 03.15-ին ոստիկանները հաղորդում են ընդունել նաեւ Էդուարդ Հ․-ից։ Նա հայտնել է, որ վիճաբանության ժամանակ պահակը շամփուրով հարվածել է իր գլխին՝ պատճառել վնասվածքներ: Նշանակվել է դատաբժշկական փորձաքննություն: Ձեռնարկվում են միջոցառումներ ընկերուհու անձը պարզելու եւ հայտնաբերելու ուղղությամբ: Հանցագործության գործիք դանակն ու լինգն առգրավված են: Նախապատրաստվում են նյութեր