«Էսօր էլ Հայաստանի Հանրապետությունում կաշառք վերցնում են». Նիկոլ Փաշինյան

Մի քանի ամիս առաջ ՏՄՊՊՀ-ն վարչապետ Նիկոլ Փաշինյանին ուսումնասիրություն է ուղարկել, որտեղ ասվել է՝ Հայաստանի հանքերի շատ մեծ մասը, որպես սեփականատեր, գրանցված են օֆշորային ընկերություններ,կառավարության նիստի ժամանակ վարչապետ Նիկոլ Փաշինյանն ասաց, որ այդ գրությունը հասցեագրել է ՀՀ էներգետիկայի նախարարությանը։ «Այդ գրությունն ինչո՞ւ չենք տալիս իրավապահ մարմիններին, որ ուսումնասիրեն:Որովհետև տպավորություն է, որ Հայաստանի հանքերի մեծ մասը կառավարվում է մի կետից ու դա ինքնին տարօրինակ փաստ է։ Կարծում եմ՝ արժի, որ իրավապահ մարմինները զբաղվեն դրանով»,-ասաց Նիկոլ Փաշինյանը՝ հորդորելով գրությունը վերահասցեագրել ՀՀ գլխավոր դատախազությանը։ «Էսօր էլ Հայաստանի Հանրապետությունում կաշառք վերցնում են և էն, որ մենք ժամանակ առ ժամանակ ունենում ենք կոնկրետ փաստով ձերբակալություններ, դրա ամենաուղիղ ապացույցն է»,-  հայտարարեց  Փաշինյանը՝ հրահանգելով զգոն լինել: « Սակայն, եթե այդ երևույթը կա, ապա պետք է ոչ թե 1 ամսում 1-2 նման ձերբակալություն լինի, այլ 10-20 և ավելի: Ինձ  չի հետաքրքրում՝ տվյալ անձը ո՞ր կուսակցության անդամ է, ի՞նչ պաշտոնի է, ի՞ր, թե՞ հարևանի ընտանիքի անդամ է: ՀՀ ժողովրդից գողացողը պետք է բռնվի, ամբաստանվի, խայտառակվի, բարոյապես ոչնչացվի և ուղարկվի բանտ: Սա է սկզբունքը»,-հավելեց վարչապետը: Ն.Փաշինյանը նշեց, որ այս թեմաներով քննարկումեր պարբերաբար ունենում են, ուղղակի սա պետք է գիտակցել: