Նիկոլը հովանավորում է Լֆիկին և նրա Բոգոներին

Նիկոլի կառավարության թերևս ամենատաղանդավոր նախարարներից մեկի՝ Հակոբ Արշակյանի հերթական սուպեր-նախաձեռնությունը շրջվել ու դառել է մի իսկական գլխացավանք ՝ իշխանության համար, և հիասաթափության նոր պատճառ՝ հասարակ ժողովրդի համար: Բանը նրանում է, որ Տրանսպորտի և կապի սույն նախարարը երեկ այցելել էր Կենտրոնական ավտոկայան, որի զուգարանից լայվ էր մտել և քննադատել տեղի խայտառակ վիճակը, և դրանից հետո ավտոկայանում էր հայտնվել տխրահռչակ Սամվել Ալեքսանյանի` Լֆիկի ոչ պակաս տխրահռչակ մտերիմ Բոգոն՝ Ռուբեն Կոստանյանը, և ծեծի ենթարկել ավտոկայանի աշխատակիցներից մի քանիսին: Բոգոն մամուլից հայտնի է որպես Լֆիկի հարցերը լուծող վստահությունը վայելող, որը անցած իշխանությունների օրոք աչքի է ընկել բազմաթիվ մանր խուլիգանություններով և հակահասարակական արարքներով: Այժմ տրամաբանական հարց է առաջանում: Չէ՞ որ թավշյա ավանտյուրայի օրերին հազարավոր մարդիկ ելան հրապարակ հենց այն պատճառով, որ հոգնել էին սափրագլուխ խառոշիների ներկայությունից մեր հանրային կյանքում, և ուզում էին երկրում կարգ ու կանոն հաստատվի: Այդ կարգ ու կանոնը, ըստ շատերի, պետք է հաստատեր Փաշինյան Նիկոլը: Բայց նա ոչ միայն չի հաստատում, այլ ավելի մեծ ազատություն է տվել նման սադրիչներին և օգտագործում է սեփական նպատակների համար: Ձեր <<հեղափոխությունը>>, ժողովուրդ ջան, արժեք չուներ: Ամեն ինչ նույնն է, մնացել՝ բավական չէ, մի բան էլ ավելի անտանելի է դարձել: