Ալիև կրտսերի շքեղ առանձնատունը` Մեդվեդևի նստավայրի հարևանությամբ

proekt.media- ի փոխանցմամբ, Ադրբեջանի նախագահ Իլհամ Ալիևի որդին` Հեյդար Ալիև կրտսերը, 9 տարեկանում դարձել է Մոսկվայի Ռուբլևո-Ուսպենկսի մայրուղում գտնվող «Մայենդորֆ այգիներ» փակ բնակավայրում տեղակայված շքեղ առանձնատան սեփականատեր,որը հարևանությամբ Դմիտրի Մեդվեդեևի նստավայրն էր, երբ նա ՌԴ նախագահն էր: Այդ գյուղում սեփականություն ունեն ռուս հայտնի գործարարներ Վլադիմիր Լիսինը, Իսկանդեր Մահմուդովը, Անդրեյ Բոկարևը, Դմիտրի Մազելինը և այլք: Հեյդար Ալիևի կրտսերի տան մակերեսը 1600  քառակուսի մետր է, տնամերձ տարածքինը` 7 հազար քմ: «Մայենդորֆի այգիները» Ալիևների ընտանեկանն է. ոչ հեռու Իլհամ Ալիևի ավագ դստեր` Լեյլայի տունն է, որը նա ձեռք է բերել 20 տարեկանում: Կրտսեր Ալիևի տան և տնամերձ տարածքի փաստաթղթերը նախապես ձևակերպված են եղել Արիֆ Փաշաևի անունով` նախագահի աներոջ: Փաշաևը մեկ տարի անց նվիրել է այն Հեյդար  Ալիև կրստերին: Պայմանագիրը ձևակերպվել է 2007-ին, այդ իսկ պատճառով անշարժ գույքի գինը դժվար է գնահատել, սակայն նման տարածքով տների գինը ներկայումս 35 մլն դոլար է: Ալիևները` նա և կինը,  նաև բնակարան ունեն Մոսկվայի շքեղ թաղամասում`  Մեծ Յակիմանկա, 26 հասցեով: Ըստ նյութի հեղինակի` Ռուբլյովկայում գտնվող առանձնատունը միակը չէ, որ Ադրբեջանի նախագահը գրանցել է Հեյդար Ալիև կրտսերի անունով. 2009-ին ` 11 տարեկան հասակում նա դարձել է Դուբայում գտնվող 9 առանձնատների սեփականատեր: