Ադրբեջանի հայտարարություններն ապակառուցողական են և դատապարտելի. Ռ. Ռուբինյան
ՀՀ վարչապետը ԱԺ-ում կառավարության ծրագիրը ներկայացնելիս փետրվարի 12-ին անդրադարձավ նաև Արցախին և Արցախյան հակամարտության կարգավորման գործընթացին, որին հետեց փետրվարի 13-ին Ալիևի կտրուկ արձագանքը: Մասնավորապես նա ասել է. «ով ուժեղ է, նա էլ ճիշտ է»: Թեմայի հետ կապված «Արմեդիա» ՏՎԳ-նմեկնաբանություն խնդրեց ՀՀ ԱԺ «Իմ քայլը» խմբակցության պատգամավոր, արտաքին հարաբերությունների մշտական հանձնաժողովի նախագահ Ռուբեն Ռուբինյանից: - Պարո՛ն Ռուբինյան, ինչի՞ հետ եք կապում հռետորաբանության կտրուկ կոշտացումը և շեշտադրման փոփոխությունը: - Այսպիսի հայտարարությունները ոչ մի կերպ չեն նպաստում խաղաղության գործընթացին և ոչ մի կերպ չեն նպաստում արդյունավետ բանակցային պրոցեսի մեկնարկին: Մեր դիրքորոշումը մնում է նույնը: Եթե ուզում ենք իրապես բովանդակային և արդյունավետ բանակցային գործընթաց և եթե իրապես ուզում ենք խաղաղության շուրջ երկխոսություն՝ պետք է համապատասխան մթնոլորտ, իսկ այդ մթնոլորտը ապահովվում է ագրեսիվ հռետորաբանության և ագրեսիվ գործողությունների բացառմամբ։ Ադրբեջանի հայտարարություններն, այս համատեքստում, ապակառուցողական են և դատապարտելի:
Հետևեք մեզ Viber-ում
