Մարդը գյուղվարկ է վերցնում, ջիպ առնում, հաջորդ օրը խփում պատին, կամ բիզնես վարկով հարսանիք են անում. Փաշինյան
«Տնտեսական հեղափոխությունը պետք է ֆինասավորի Հայաստանի բանկային համակարգը եւ կառավարություն պիտի օգնի, որ բանկային վարկերի տոկոսադրույքները հնարավորինս ցածր լինեն՝ քաղաքացիներին հասանելի լինելու համար: Կենտրոնական բանկի հետ ցանկանում են քիրազեկման ծրագրեր իրականացնել:Մենք երեւույթներ ունենք, մարդը գյուղվարկ է վերցնում, ենթադրենք, ջիպ առնում, հաջորդ օրը խփում պատին եւ դրանով ամբողջ պատմությունը ավարտվում է: Կամ բիզնես վարկերով հարսանիք են անում: Շատ կարեւոր է ֆինասական գրագիտության բարձրացումը, որպեսզի մարդը հասկանա՝ ինչ է նշանակում, երբ ինքը բանկի հետ հարաբերությունների մեջ մտավ, ինչ կանոններ պիտի պահի եւ ինչ ռիսկեր են առաջանում, որոնք ինքը պիտի կառավարի»,- ԱԺ ամբիոնից կառավարության ծրագրի քննարկման ժամանակ հայտարարեց ՀՀ վարչապետ Նիկոլ Փաշինյանը: «Այսօր բանկային համակարգում կա պոզիտիվ ֆենոմեն՝ խոսքն ավելի ցածր տոկոսադրույքներով վարկերի տրամադրման մասին է:Մարդն ունի բարձր տոկոսով վարկ, ուրիշ բանկ իրեն հրավիրում, ասում է՝ արի, ես քեզ վարկ տամ, դու տար քո բանկի վարկը փակի, իսկ ես քեզ առաջարկում եմ ավելի ցածր տոկոս: Սա նշանակո՞ւմ է, որ վարկային բեռը նվազեց, իհարկե, նշանակում է»: Ըստ Փաշինյանի՝ ընդհանուր բանկային տոկոսները Հայաստանում շարունակաբար նվազելու են, իսկ կառավարությունը շարունակելու է իրականացնել սուբսիդավորման ծրագրեր՝ գյուղվարկերի, ուսանողական եւ հիփոթեքային վարկերի բնագավառում: Ինչ վերաբերում է միկրոբիզնեսին, ապա վարչապետը նշեց, որ դրա ֆինասավորման համար 10 մլրդ դրամանոց վարկային նոր պորտֆել է ստեղծվելու՝ ֆինասավորելու համար այն մարդկանց, ովքեր զրոյից բիզնես են ուզում ստեղծել:
Հետևեք մեզ Viber-ում
