Ադրբեջանը մարտադաշտ է բերել Իսլամական պետության զինյալներ. yerevan.today
Ապրիլի 3-ի առավոտյան ժամը 6:00-ից ԼՂ հակամարտության շփման գծի հարավ-արևելյան ուղղությամբ հակառակորդը նորից դիմել է նախահարձակ գործողությունների՝ կիրառելով ծանր հրետանի ու ռազմական տեխնիկա: Ներկայումս ծանր մարտեր են ընթանում հատկապես Ջաբրայիլի ուղղությամբ, որտեղ հայկական զինված ուժերը վստահ մարտական գործողություններ են իրականացնում՝ թշնամուն պատճառելով մեծաթիվ կորուստներ: Մեր հավաստի տեղեկություններով, այս ուղղությամբ Ադրբեջանի պաշտոնական ղեկավարությունը կարող է չընդունել նաև իր ունեցած մեծաթիվ կորուստների փաստը, քանի որ այդ հատվածում թշնամին կիրառում է ոչ կանոնավոր զորքեր, որոնց կրած կորուստները չի ներառում իր թվի մեջ: Մասնավորապես, խոսը Ջաբրայիլի հատվածում թշնամու զորքերի շարքում Իսլամական պետության զինյալների մասին է, ովքեր ինչ-ինչ ճանապարհներով հայտնվել են Ադրբեջանում: Այս տեղեկությունը պաշտոնապես ոչ հաստատվում է, ոչ՝ հերքվում: