Հովհաննես Իգիթյանը պաշտոն ստացավ

Ազգային ժողովի Արտաքին հարաբերությունների մշտական հանձնաժողովի առաջին նիստի օրակարգում երկու հարց էր` հանձնաժողովի փոխնախագահի ընտրությունն ու աշխատակարգի հաստատումը: «Իմ քայլը» խմբակցությունը հանձնաժողովի փոխնախագահի համար առաջարկեց նույն խմբակցության պատգամավոր Հովհաննես Իգիթյանի թեկնածությունը, որն էլ իր ելույթում ասաց, թե իր համար շատ կարևոր է խորհրդարանական դիվանագիտությունը, քանի որ այն լուրջ ինստիտուտ է համարում։ Ի վերջո հանձնաժողովը միաձայն կողմ քվեարկեց Հովհաննես Իգիթյանի թեկնածությանը: Պատգամավորները հաստատեցին նաև հանձնաժողովի աշխատակարգը: