«Դատախազն ու փաստաբանը պետք է շտապ ապացուցեն, թե ով է ուժեղ». Ազատ Արշակյան

Հասարակական գործիչ Ազատ Արշակյանն այսօր Հայելի ակումբում այսօրվա ասուլիսում նշեց, որ պետք է առաջ քաշել այն հարցը, որ դատախազն ու փաստաբանը շտապ ապացուցեն, թե ով է ուժեղ։ «Դատավարությունների այս ձգձգումները, հիվանդ մարդուն մի քանի ամիս շարունակ պահել կալանավայրում՝ առանց դատարանի վճռի, ցույց են տալիս, որ մեր սիրելի ու փառաբանված ուժային կառույցները բավարար պրոֆեսիոնալիզմ չունեն, որպեսզի մեկ-երկու ամսում վճիռ կայացնեն, դրանք բաց գործեր են, ցուցմունքներ ու իրեղեն ապացույցներ կան։ Թող բացահայտեն, մարդիկ կա՛մ պետք է դատապարտվեն, կա՛մ ազատ արձակվեն։ Եթե չեն հասցնում, թող մասնագետների նոր հավաք հայտարարեն»,- նշեց Ազատ Արշակյանը։