«Պարոն Քոչարյանը այս գործով քաղաքական հետապնդման է ենթարկվում». Ռոբերտ Քոչարյանի պաշտպան
Հայաստանի երկրորդ նախագահ Ռոբերտ Քոչարյանի պաշտպան Հայկ Ալումյանը Վերաքննիչ քրեական դատարանի կողմից այսօր Ռոբերտ Քոչարյանի խափանման միջոցի վերաբերյալ որոշման հրապարակումից հետո լրագրողների հետ զրույցում նշեց. «Այս գործում մեզ համար արդեն ամեն ինչ սպասելի է, ես որոշումը բացասական եմ գնահատում, դրանում իրավաբանական կոմպոնենտը համարում եմ զրո, սա քաղաքական որոշում է, քաղաքական պատվերի շրջանակներում կայացված»: Նա տեղեկացրեց, որ դատարանը գրավի կիրառումն անթույլատրելի է ճանաչել: «Պարոն Քոչարյանը հերթական անգամ համոզվեց, որ այս գործով քաղաքական հետապնդման է ենթարկվում: Մենք մի փոքր ուշ դուրս եկանք, քննարկում էինք դատարանի որոշումը, նա ևս մեկ անգամ համոզվեց, որ այս գործով արդարադատություն չի իրականացվում, այլ քաղաքական հետապնդում»,- ասաց նա:
Հետևեք մեզ Viber-ում
