6 միլիոն եվրոյի շահաբաժնի կռիվ կառավարությունում

10:18 - 7/փետրվարի/2019

«168 ժամ» թերը գրում է. «Պետական կառավարման համակարգում մեծ շահաբաժնի կռիվ է գնում. առիթը՝ մոտ ապագայում միջազգային կազմակերպություններից մեկի կողմից սպասվող մինչեւ 6 միլիոն եվրոյի հասնող դրամաշնորհային ծրագիրն է: Նշյալ ծրագրով նախատեսված է թվայնացնել պետական կառավարման համակարգում աշխատանքներն ու թղթարարությունը, ինչը, սակայն, նոր երեւույթ չէ գերատեսչական հիմնարկներում. 2010-2012թ.-ից սկսած թվայնացմանն ընթացք էր տրվել: Ծրագրի նախաձեռնողները պետք է կարողանան հիմնավորել իրենց այդ նախաձեռնության կարեւորությունը. Որպես արդարացում՝ կներկայացվի պետական կառավարման օղակում օպտիմալացման գաղափարը, թե իբր ժամանակի պահանջ է՝ նորարար տեխնոլոգիաների միջոցով ծրագրային ապահովման, ծառայությունների օնլայն սպասարկման ենք անցնում, իսկ միջազգային կազմակերպություններին կհրամցվի արդեն իսկ ստեղծված բազաների միասնական համալրումը, որը, ինչպես արդեն նշեցինք, գործարկվել է դեռեւս նախկին իշխանությունների ժամանակներից: Ըստ 168.am-ի աղբյուրների՝ այս գումարներն աշխատացնելու սխեման գծել եւ հեռահար քննարկումները կառավարում է մի մարդ՝ ՀՀ կառավարության աշխատակազմի բարձրաստիճան մի պաշտոնյա, որին կանդրադառնանք առաջիկայում: Նշենք, որ տեղեկատվական տեխնոլոգիաների կիրառմամբ նորագույն համակարգերով է սպասարկում Պետական եկամուտների կոմիտեն, Անձնագրային ծառայությունը, Կադաստրի պետական կոմիտեն, Աշխատանքի եւ սոցիալական հարցերի նախարարությունը, Ազգային արխիվը, Ազգային գրադարանը, եւ այլն»: Առավել մանրամասն՝ թերթի այսօրվա համարում