Ռուսաստանին հաջողվում է «ծերուկի» փողերը աշխատեցնել իր օգտին

բ) Ոչինչ չի ստացվում ամերիկյան «սև» և «գորշ» այդ երկու կարդինալների` Ղարաբաղյան նախագծումի դեպքում ևս: Փաշինյանը, որը բացարձակապես չի տիրապետում Ղարաբաղյան խնդրին, այնուհանդերձ, վերջին շրջանում անում է հայտարարություններ, որոնք «հետաքրքիր» են, նույն այդ ծերուկների ուղենշումներին դեմ գնալու մասով, ինչին դեռ պետք է ուշադիր հետևել: դ) Նոր իշխանությունները, «մեղմիվ» ու դանդաղ, կարծես փորձում են խաղից հանել, թույլ են տալիս վարկաբեկել «սորոսականության առաջամարտիկներին» (Սանասարյան Դավիթ, Գրիգորյան Արմեն, Ղազարյան Թագուհի, Հարությունյան Արայիկ…), ավելին, սկսվել է բավականին հետաքրքիր շրջափուլ. նորերը սկսել են մոտ-մոտ անել նախկին` «սև, թալանչի, հակահեղափոխական» իշխանություններին, ի դեմս «Եվրանեստի» հայաստանյան պատվիրակության նախկին և ներկա ղեկավարներ Արմեն Աշոտյանի և Մխիթար Հայրապետյանի: Ընդ որում, չենք բացառում, որ նույնը տեղի ունենա նաև մնացյալ` ԵԽԽՎ, ԵՄ տանդեմներում: Ձգենք պաուզան, հարցնելու` բանը կհասնի՞ Ղարաբաղյան «կոնսուլտացիաներին». երբեք մի ասա` երբեք: Կարծում ենք, եթե հասունանա անհրաժեշտ պահը, նման գործընթաց նույնպես կունենանք: Ելնելով վերը շարադրվածից` պարոն Սորոսը նոր ուղերձ հղեց հայաստանյան իր «երկրպագուներին», վերջիններիս շարքերը ամրակայելու, նրանց «շուկայական» գինը կայուն պահելու համար. ասաց, որ հարկավոր լուրջ աջակցություն կտրամադրվի հայաստանյան հասարակական սեկտորին, ինչը մեծ ոգևորությամբ է ընդունվել «սեկտորի» կողմից: Մենք քանիցս ենք խոսել հեղափոխության երկրորդ էշելոնի մասին: Հասկանալիորեն, սորոսյան-բոլթոնյան մեքենան պատրաստվում է երկրորդ «մարտին»` հեղափոխության երկրորդ փուլին` Հարավային Կովկասի այս մասում իրենց իդեա-ֆիքսը ավարտին հասցնելու համար: