Այդ ո՞ր օրվանից է պետական աջակցություն վայելում «Կյանքի խոսք»-ը

Blognews կայքի ղեկավար Կոնստանտին Տեր-Նակալյանին այսօր ԱԱԾ-ն են հրավիրելու հարցաքննելու մի քրեական գործով, որը վերաբերվում է լրատվամիջոցների միջոցով կրոնական թշնամանք հարուցելուն: Yerevan Today, Aysor.am, News.am, հիմա էլ Blognews: Սա արդեն ԶԼՄ-ների նկատմամբ վարվող հստակ քաղաքականություն է, ոչ թե միտում կամ զուգադիպություն: Երբ Հայ Առաքելական Եկեղեցու դեմ անհանդուրժողականության կոչեր են արվում՝ նորմալ ա հիմա, իսկ երբ ԶԼՄ-ներում հարցեր են բարձրացվում այլ կազմակերպությունների ու աղանդների վերաբերյալ՝ դա կրոնական թշնամա՞նք ա: Այսինքն, ճիշտ եմ հասկանում, որ փորձ է արվում վախեցնել ԶԼՄ-ին որևէ անդրադարձ կատարելուց, հարցեր հնչեցնելուց, որ հանկարծ ու մի օր նրանց էլ չմեղադրեն կրոնական թշնամանք հրահրելու մե՞ջ: Այդ ո՞ր օրվանից է պետական աջակցություն վայելում «Կյանքի խոսք»-ը, ո՞ր օրվանից են նրանք մեր պետության, ազգային անվտանգության հենարան հանդիսանում, որ ԶԼՄ-ի ղեկավարի մի հոդվածի համար քրեական գործով հարցաքննության են հրավիրվում ԱԱԾ: Լիկա Թումանյանի ֆեյսբուքյան էջից: