Հարկային օրենսգրքում առաջարկվող փոփոխությունները կարող են որոշ ընկերությունների բեռը 8 անգամ մեծացնել. Փայլակ Թադևոսյան
Հարկային օրենսգրքում առաջարկվող փոփոխությունների ներդրման դեպքում աուդիտորական և իրավաբանական ծառայություններ մատուցող ընկերությունների ֆինանսական բեռը կարող է 8 անգամ մեծանալ: Այս մասին Հայելի ակումբում ասաց «Հարկատուների պաշտպանություն» ՀԿ ղեկավար Փայլակ Թադևոսյանը: «Օրինագծի մշակումն իկրականացվել է առանց հանրային լայն քննարկման: Ըստ երևույթին, նրանք, ովքեր նախագիծը մշակել են, այս ոլորտի առանձնահատկությունների բավարար պատկերացում չունեն: Այդ դեպքում կարելի է մասնագետների հետ քննարկումներ անցկացնել, որպեսզի այնպիսի օրենք ընդունվի, որը ստիպված չլինեն նորից փոխել։ Հարկային օրենսգրքում փոփոխությունները կարելի է անցկացնել 2 փուլով՝ շտապ և այն փոփոխությունները, որոնց համար կարելի է կիրառել համալիր մոտեցում: Առավել ընդունելի կլիներ կիրառել միասնական եկամտահարկի ներդրումը, այլ ոչ թե ճյուղերի բաժանել՝ տնտեսության վրա բեռը բաշխելու համար»,- պարզաբանեց ՀԿ ղեկավարը:
Հետևեք մեզ Viber-ում
