ՊՆ-ում պարգևավճարներ եղե՞լ են. նախարարը պարզաբանում է
ՊՆ-ում պարգևավճարներ եղե՞լ են հետարքրվեցին լրագրողները: Եռաբլուրում գտնվող ՀՀ պաշտպանության նախարար Դավիթ Տոնոյանը պատասխանեց,որ անցյալ տարվա ընթացքում բավական մեծ գումար են տրամադրել պարգևավճարների համար, որոնք գոյացել են խնայումներից, չենք ուղղել ինչ-ինչ ձեռքբերումների, այլ տրամադրվել են անձնակազմին՝ որպես հավելավճար: Առաջին հերթին տրամադրվել է մարտական հերթապահության մեջ ընդգրկված անձնակազմին, ընդ որում երկու անգամ»,-ասաց նա: Համաձա՞յն եք արդյոք պաշտպանության նախկին նախարար Սեյրան Օհանյանի դիտարկմանը, թե որոշ քրեական գործեր ԶՈՒ-ին հարվածում են հարցին, նախարարը պատասխանեց. «Իհարկե, լինում են, որ ԶՈՒ-ի տրամադրության վրա դա ազդում է, բայց մենք, ինչպես ասացի, հաղթահարում ենք և անում ենք առավելագույնը»: Հարցին, թե հաշվի առնելով, որ նրա տղան ևս ծառայում է հայոց բանակում, լսո՞ւմ է նրանից, թե ինչ խնդիրներ կան Զինված ուժերում, նախարարը նշեց, որ իրենց հարաբերություններում ինքն աշխատում է լինել որպես ծնող և ոչ թե նախարար:
Հետևեք մեզ Viber-ում
