Առաջարկում եմ պարգեւատրված պաշտոնյաներին՝ հրապարակել իրենց ստացած պարգեւագումարների չափերը

Ճշմարտությունը ազատում է Քանի որ որոշ պաշտոնյաներ կեղծ կամ հարմար մեկնաբանելով օրենսդրությունը պնդում են, թե պարգեւավճարների չափերի հրապարակումը օրենքի խախտում կլինի, մինչեւ դատարաններով կստանանք այդ տեղեկությունները, առաջարկում եմ պարգեւատրված պաշտոնյաներին՝ հրապարակել իրենց ստացած պարգեւագումարների չափերը եւ պատմել, թե ինչ հատկանշական, արտառոց կամ հաջողված գործի համար են պարգեւատրվել։ Հանրային միջոցների այսօրինակ ծախսումը կարող է արդարացնել միայն փողերի տերը՝ հանրությունը, այլապես, չափերի եւ անհայտ գործերի համար վճարված գումարների մասին հակասական լուրերի եւ այդ պաշտոնյաների լռության ֆոնին այդ պարգեւատրումները հանրությունը ընկալելու է որպես գանձագողություն, թող որ օրինական, բայց գանձագողություն։ Քարտուղարուհի՝ 2 մլն դրամ, ոմանք՝ 3-4-5-8 մլն դրամ, հազար լուր է տարածվում։ Հրապարակեք ճշմարիտը՝ ազատվեք չարչարանքից, զի ճշմարտությունը ազատում է։ Գրել է Լևոն Բարսեղյանը