«Հայաստանում լրագրողը մահանում է հացադուլից, իսկ մամուլը լռում է»

Այսօր Նուբարաշեն ՔԿՀ-ում մահացել է «Հայոց արծիվներ.միասնական Հայաստան» կուսակցության նախկին փոխնախագահ, Haynews.am լրատվական կայքի սեփականատեր եւ գլխավոր խմբագիր, ազատամարտիկ ՄՀԵՐ ԵՂԻԱԶԱՐՅԱՆԸ: Նա 44 օր գտնվում էր հացադուլի մեջ՝ իր հանդեպ հարուցված կաշառքի վերաբերյալ մեղադրանքը համարելով շինծու եւ սարքված: Անդրադառնալով վերոնշյալին` «Քաղաքացիական գիտակցություն» ՀԿ նախագահ ՆԱՐԵԿ ՍԱՄՍՈՆՅԱՆՆ ընդգծում է, որ «նոր Հայաստանում» լրագրողը 44 օր հացադուլ անելուց հետո մահանում է կալանավայրում` նախնական կալանքի ժամանակ. «Սա է այն ամենը ինչ պետք է ասել Նիկոլ Փաշինյանի եւ իր, մեղմ ասած, կիսագրագետ պատգամավորների ու պաշտոնյաների վարած քաղաքականության մասին: Հայաստանում լրագրողը մահանում է հացադուլից, իսկ մամուլը լռում է: Սա է այն ամենը ինչ փոխվել է «նոր Հայաստանում»: Տեղի ունեցածին իր ֆեյսբուքյան էջում անդրադարձել է նաեւ Հանրային հեռուստաընկերության «Օրակարգ» լրատվական ծառայության նախկին ղեկավար-պրոդյուսեր ԱՐՏԱԿ ՀԵՐԻՔՅԱՆԸ` հիշեցնելով. «Մինչ մարդը մահանում էր հացադուլի պատճառով, մենք ախորժակով ուտում էինք մամուլ նետվող «ինֆորմացիոն տուշոնկաները». քննարկում էինք խաշկերույթն իր բոլոր մանրամասներով, պարզաբանում պահանջող ու չպարզաբանվող հայացքներ վերլուծում, զվարճանում Եկատերինի արկածներով…» Շարունակությունը՝ սկզբնաղբյուր կայքում։