4 մլն 808 հազար 668 դրամ և 18 մլն 482 հազար 639 դրամ աշխատավարձ.Դավիթ Անանյանը հրապարակել է իր եկամուտների հայտարարագիրը

ՊԵԿ նախագահ Դավիթ Անանյանը Ֆեյսբուքի իր էջում հրապարակել է իր տարեկան հայտարարագիրը․ «Ինչպես խոստացել էի ՀՀ կառավարության հունվարի 24-ի նիստից հետո մամուլի ներկայացուցիչների հետ ունեցած ճեպազրույցի ժամանակ, այսօր Բարձրաստիճան պաշտոնատար անձանց էթիկայի հանձնաժողով եմ ներկայացրել պաշտոնատար անձի տարեկան հայտարարագիր2018 թվականի համար։ Կարծում եմ, որ հայտարարագրում ներկայացված տեղեկատվությունը ավելի քան բավարար է մեր լրագրող-գործընկերների և, ընդհանրապես, հանրության տեղեկատվական կարիքները բավարարելու համար»,- գրել է նա։ Դավիթ Անանյանը երկու աղբյուրից ստացել է աշխատավարձ կամ դրան հավասարեցված այլ վճարումներ՝ 4 մլն 808 հազար 668 դրամ և 18 մլն 482 հազար 639 դրամ ծավալով։ Նա ստացել է շահաբաժին՝ մոտ 14.9 մլն դրամ, այլ եկամուտներ՝ 1,494 եվրո և 6,750 եվրո, 2 գույքի օտարումից՝ 2.5 մլն և 2.4 մլն դրամ։ Բանկային հաշվեհամարներում Դավիթ Անանյանի կուտակումներն անցած տարվա ընթացքում աճել են. տարեսկզբի 1 մլն 650 հազար դրամը տարեվերջին դարձել է 2.1 մլն դրամ, 2500 դոլարը՝ 7000 դոլար, 1500 եվրոն՝ 2000 եվրո։ 2018-ին նա հանձնել է 3 մլն 393 հազար 200 դրամ փոխառություն, որից վերադարձվել է 2մլն 848 հազար դրամը։ Որևէ անշարժ կամ շարժական գույք հայտարարագրված չէ։